ပင်လုံစာချုပ် ချုပ်ဆိုခြင်း (၇၅) နှစ်မြောက်အထိမ်းအမှတ် အခွန်တံဆိပ်ခေါင်း ၅ မျိုးကို ထုတ်ဝေရောင်းချမည်ဟု အမျိုးသားညီညွတ်ရေးအစိုးရ(NUG) ပြည်တွင်းအခွန်များဦးစီးဌာနက ယနေ့(ဖေဖော်ဝါရီ ၁၂ ရက်)ကြေညာသည်။
NUG ၏စာချုပ်စာတမ်းများနှင့် သက်ဆိုင်သောကိစ္စရပ်များတွင် အသုံးပြုရန် ရည်ရွယ်၍ ၂၀၀ ကျပ်၊ ၃၀၀ ကျပ်၊ ၁,၀၀၀ ကျပ်၊ ၅,၀၀၀ ကျပ် နှင့် ၅၀,၀၀၀ကျပ်တန် အခွန်တံဆိပ်ခေါင်းများကို ထုတ်ဝေရောင်းချမည်ဟု ဆိုသည်။
အမျိုးသားညီညွတ်ရေးအစိုးရနှင့် သက်ဆိုင်သည့် တံဆိပ်ခေါင်းခွန် ထိုက်သင့်သော စာချုပ် စာတမ်းတခုခုကို ချုပ်ဆိုသူ မည်သူမဆို စာချုပ်မချုပ်ဆိုမီ သို့မဟုတ် စာချုပ်ချုပ်ဆိုချိန်တွင် အဆိုပါ တံဆိပ်ခေါင်းများကို ကပ်နှိပ်အသုံးပြုသွားရမည်ဟု အခွန်ဦးစီးဌာန၏ ထုတ်ပြန်ချက်၌ ဖော်ပြ သည်။
ယင်းအခွန်တံဆိပ်ခေါင်းများကို အမျိုးသားညီညွတ်ရေးအစိုးရ၊ ပြည်တွင်းအခွန်များဦးစီးဌာန website ဖြစ်သည့် http://ird.nug-mm.net မှတဆင့် အသေးစိတ်စုံစမ်းဝယ်ယူနိုင်ကြောင်း အသိပေးသည်။
Public Service Announcement
