'/%3E%3C/svg%3E){kind=small}
၂၀၂၀ ရွေးကောက်ပွဲတွင် ပါဝင်ဆောင်ရွက်ခဲ့ကြပြီး အဓိက တာဝန်ရှိသူများ ဖြစ်သော်လည်း ပြည်ထောင်စု ရွေးကော်ကပွဲကော်မရှင် ဥပဒေ ရွေးကောက်ပွဲဥပဒေများနှင့် ကိုက်ညီမှုမရှိခဲ့သော တရားမဝင် စစ်ကောင်စီ၏ လုပ်ဆောင်ချက်များအားကန့်ကွက်ခြင်း ၊ ငြင်းပယ်ခြင်းမရှိဘဲ ဆက်လက်တာဝန်ထမ်းဆောင်နေသောပြည်ထောင်စုရွေးကောက်ပွဲကော်မရှင်မှဝန်ထမ်း၂၅၀ခန့်အား အမည်ပျက်စာရင်းသွင်းလိုက်ပြီး ဝန်ထမ်းအဖြစ်မှထုတ်ပစ်လိုက်ကြောင်းအမျိုးသားညီညွတ်ရေးအစိုးရကကြေညာသည်။
ကော်မရှင်မှဝန်ထမ်း ၂၄၆ ဦးအားထုတ်ပစ်လိုက်ကြောင်း အမည်စာရင်း၊ရာထူး၊ဌာနများ ယှဉ်တွဲ၍ ဖော်ပြခဲ့သည်။ ယင်းတို့အနက် ညွှန်ကြားရေးမှူးချုပ် ၁ဦး၊ဒုညွှန်ကြားရေးမှူးချုပ် ၁ဦးနှင့်ညွှန်ကြားရေးမှူး၊ဒုတိယညွှန်ကြားရေးမှူး၊ လက်ထောက်ညွှန်ကြားရေးမှူးနှင့်ဦးစီးအရာရှိများပါဝင်သည်။
အမျိုးသားညီညွတ်ရေးအစိုးရသည် နိုင်ငံ့ဝန်ထမ်းများအနေဖြင့် အကြမ်းဖက် စစ်ကောင်စီ၏ လက်အောက်တွင် ဆက်လက် တာဝန်မထမ်းဆောင်ဘဲ ဓမ္မ ဘက်မှ ရပ်တည်၍ ပြည်သူနှင့် တသားတည်းဖြစ်စေရန်နှင့် အမိန့်အာဏာဖီဆန်ရေးလှုပ်ရှားမှု (CDM)တွင်ပါဝင်ကြစေရန် အကြိမ်ကြိမ် ဖိတ်ခေါ်ကမ်းလှမ်းခဲ့ပြီး ဖြစ် ကြောင်းလည်းဖော်ပြထားသည်။
အမျိုးသားညီညွတ်ရေးအစိုးရ ဝန်ကြီးချုပ်ရုံးအနေဖြင့်လည်း အောက်တိုဘာလမှစတင်၍ အမိန့်အာဏာ ဖီဆန်ရေးလှုပ်ရှားမှု CDMတွင် ပါဝင်ခဲ့ကြသည့်ဝန်ကြီးဌာန မဖွဲ့ရသေးသော ဌာနအသီးသီးမှ နိုင်ငံ့ဝန်ထမ်းသူရဲ့ကောင်းများ၏ လူမှုဖူလုံရေး၊ လုံခြုံဘေးကင်းရေးနှင့် ဖိအားကင်းစင်ရေးတို့အတွက် အလေးထားဆောင်ရွက်လျက်ရှိသည်ဟုထုတ်ပြန်ထားသည်။
Public Service Announcement
