စစ်တပ်အာဏာသိမ်းတဲ့ ဖေဖော်ဝါရီလ ၁ ရက်နေ့က တည်းက ဖမ်းဆီးခံထားရတဲ့ ၈၈ မျိုးဆက်ကျောင်းသားခေါင်းဆောင် ကိုမြအေး ၊ စာရေးဆရာ မောင်သာချိုနဲ့ ဦးထင်လင်းဦးတို့ကို မနက်ဖြန်မှာ အမိန့်ချမယ်လို့ ရှေ့နေအသိုင်းအဝိုင်းကနေသိရပါတယ်။
ကိုမြအေးကို ထောင်ဒဏ် ၂ နှစ်ထိ ချလို့ရတဲ့ ရာဇသတ်ကြီးပုဒ်မ ၅၀၅ (ဂ) ၊ စာရေးဆရာမောင်သာချို နဲ့ ဦးထင်လင်းဦးတို့ကိုတော့ ထောင် ၃ နှစ်ထိချနိုင်တဲ့ ရာဇသတ်ကြီး ပုဒ်မ ၅၀၅ (က) တို့နဲ့ စစ်ကောင်စီက တရားစွဲဆိုထားတာပါ။
ကိုမြအေးကို တရားစွဲရာမှာ လွန်ခဲ့တဲ့ ၈ နှစ်က တရုတ်နိုင်ငံသား တစ်ဦးထံကို ပေးပို့တဲ့ အီးမေးလ်ကိုအကြောင်းပြုကာ တရားစွဲထားတာဖြစ်ပါတယ်။
စာရေးဆရာမောင်သာချိုကိုလည်း လွန်ခဲ့တဲ့ ၈ နှစ်က ဂျာနယ်တစ်စောင်မှာ ရေးသားတဲ့ ကိစ္စနဲ့ပတ်သက်ပြီး တရားစွဲတာလို့သိရပါတယ်။
Public Service Announcement
စာရေးဆရာ ဦးထင်လင်းဦးကိုတော့ အာဏာသိမ်းတဲ့မနက်ပိုင်းက Live လွှင့်တာကို အကြောင်းပြကာ တရားစွဲတာပါ။
ကိုမြအေးဟာ ဖမ်းဆီးထိန်းသိမ်းခံရချိန်မှာ ကျန်းမာရေးမကောင်းတာကြောင့် ဆေးရုံတက်ရောက်ပြီး ကုသမှု ခံယူခဲ့ရပါတယ်။
