ရွေးကောက်ပွဲ မလျော်သြဇာသုံးမှုနဲ့ စစ်ကောင်စီက နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အပေါ် စွပ်စွဲထားတဲ့ အမှုမှာ တရားလို ကို ဒီနေ့ စစ်ဆေးမှုတွေပြီးစီးပြီလို့သိရပါတယ်။
ဒီအမှုမှာ ဒေါ်အောင်ဆန်းစုကြည် ၊သမ္မတဦးဝင်းမြင့် ၊ ပြည်ထောင်စုအစိုးရအဖွဲ့ရုံးဝန်ကြီး ဦးမင်းသူတို့ကို ထောင်ဒဏ် ၃ နှစ်အထိ ချလို့ရတဲ့ ရာဇသတ်ကြီး ပုဒ်မ ၁၃၀ (က) နဲ့ စစ်ကောင်စီက တရားစွဲတာပါ။
တရားလိုကတော့ ရွေးကောက်ပွဲ ကော်မရှင်က ညွှန်ကြားရေးမှူး ဦးအောင်မျိုးလွင်ဖြစ်ပါတယ်။
တရားလိုကို ဒေါ်အောင်ဆန်းစုကြည်တို့ဘက်က စစ်ဆေးရာမှာလည်း အဖြေဟာ အားရကျေနပ်စရာဖြစ်တယ်လို့ သိရပါတယ်။
ဒီအမှုကို ဖေဖော်ဝါရီလ ၂၈ ရက်ကို တရားရုံးကချိန်းဆိုထားပါတယ်။
ဒီနေ့တရားခွင်မှာ ဒေါ်အောင်ဆန်းစုကြည် ၊ သမ္မတဦးဝင်းမြင့်နဲ့ ဝန်ကြီး ဦးမင်းသူတို့ကို ကျန်းမာရေးကောင်းကြတယ်လို့သိရပါတယ်။