စစ်ကောင်စီရဲ့ မတရားဖမ်းဆီးမှုနဲ့ အရပ်သားပြည်သူတွေရဲ့ နေအိမ်တွေကို နေ့စဉ်လိုလို လက်နက်ကြီးနဲ့ ပစ်ခတ်တာတွေကြောင့် ဖာပွန်မြို့ခံ ၈၀ ကျော် မနေ့က နေအိမ်တွေကိုစွန့်ခွာပြီး တိမ်းရှောင်နေခဲ့ရပါတယ်။
ဖေဖေါ်ဝါရီ ၂၆ ရက်မနက် ၈ နာရီအချိန်ကစပြီး ဖာပွန်မြို့ခံတွေဟာ နေအိမ်တွေကိုစွန့်ခွာပြီး ဖာပွန်မြို့တောင်ဘက်မှာရှိတဲ့ ကမမောင်းမြို့နဲ့ အခြားဒေသဘက်ကို ထွက်ပြေးတိမ်းရှောင်နေခဲ့ရတာဖြစ်ပါတယ်။ ကား ၁၉ စီး၊ ဆိုင်ကယ် ၁၁ စီးနဲ့ လူဦးရေ စုစုပေါင်း ၈၁ ဦးပါဝင်တယ်လို့ လို့ မူတြော်သတင်းစဉ်က ထုတ်ပြန်ထားပါတယ်။
ဖာပွန်ခရိုင်ထဲမှာ စစ်ကောင်စီနဲ့ နယ်ခြားစောင့်တပ် BGF တပ်တွေက ကျေးရွာတွေအပေါ် လက်နက်ကြီးနဲ့ နေ့စဉ် ပစ်ခတ်တာကြောင့် ဒေသခံတွေ ထိခိုက်သေဆုံးဒဏ်ရာရရှိနေပြီး ဒေသခံပြည်သူအများအပြား တောတောင်ထဲကိုထွက်ပြေးတိမ်းရှောင်နေရတာဖြစ်ပါတယ်။
ဖာပွန်မြို့မှာလည်း စစ်ကောင်စီရဲ့ဝန်ထမ်းတွေနဲ့ ဒေသခံတွေဟာ မြို့ကနေစွန့်ခွာလာခဲ့ပြီး ဖာပွန်မြို့ထဲမှာ တိတ်ဆိတ်ခြောက်ကပ်နေလျက်ရှိတယ်လို့ မြို့ခံတွေရဲ့ ပြောကြားချက်အရ သိရပါတယ်။
Public Service Announcement
