စစ်ကောင်စီတပ်မီးရှို့ခဲ့သည့် နေအိမ်များကို ရေစကြို PDFရဲ​​ဘော်များက လုပ်အားပေးရှင်းလင်း

ရေစကြိုမြို့နယ်ပြည်သူ့ကာကွယ်ရေးရဲဘော်များက စစ်ကောင်စီတပ် မတရားမီးရှို့ခဲ့၍ ပျက်စီးသွားသည့်နေအိမ် များကို ရှင်းလင်းရာတွင် လုပ်အားပေးခဲ့ကြောင်း ရေစကြိုPDFက ယနေ့ ထုတ်ပြန်သည်။

မည်သည့်ဒေသက နေအိမ်များမီးရှို့ခံရသည့် နေအိမ်မည်မျှပျက်စီးခဲ့သည်ကို ဖော်ပြမထားသော်လည်း ပြည်သူ့ကာကွယ်ရေးရဲဘော်များလုပ်အားပေးနေသည့်ဓာတ်ပုံများကို ဖော်ပြခဲ့သည်။

ပြီးခဲ့သည့် ဖေဖော်ဝါရီ ၂၆ရက်က ရေစကြိုမြို့နယ်တွင် ပြည်သူ့တော်လှန်ရေးတပ်ပူးပေါင်းအဖွဲ့နှင့် စစ်ကောင်စီတို့တိုက်ပွဲဖြစ်ခဲ့သည်။ ထိုစဉ်က စစ်ကောင်စီတပ်မီးရှို့၍ မကွေးတိုင်း ရေစကြိုမြို့နယ် ရေလယ်ကျွန်း ဆင်တဲရွာမှနေအိမ်အချို့ မီးလောင်ပျက်စီးခဲ့သည်။

အဆိုပါတိုက်ပွဲမှာ အပြန်အလှန်ပစ်ခတ်မှု ၅နာရီကြာမြင့်ခဲ့ပြီး စစ်ကောင်စီတပ်မှသေဆုံးထိခိုက်မှုရှိခဲ့သည်ဟုဆိုသည်။

Public Service Announcement