မန္တလေးတိုင်း မတ္တရာမြို့နယ် သဖန်းကိုင်းကျေးရွာကိုစစ်ကောင်စီတပ်ဝင်ရောက်ပြီး ရေနံဆီနှင့်ဓာတ်ဆီများလိုက်လံစုဆောင်းနေ၍ ကျေးရွာကိုမီးရှို့မည်ကိုဒေသခံများကစိုးရိမ်နေကြသည်ဟု မတ္တရာဒေသခံတစ်ဦးကပြောသည်။
မတ်လ ၂ရက်မွန်းလွဲ ၂နာရီခန့်တွင် မတ္တရာအရှေ့ပိုင်းသဖန်းကိုင်း ရွာကိုစစ်ကောင်စီတပ်က လမ်းကြောင်းနှစ်ကြောင်း ဖြင့်ဝင်ရောက်လာသည်ဟု ဆိုသည်။
“တောင်ဘက်ခြမ်းကဝင်ပြီး တစ်ကြောင်းက မြောက်ဘက်ခြမ်းကဝင်တယ်။ အဲဒါစစ်ကြောင်းနှစ်ကြောင်း အင်အားပေါင်းက၄၀ကျော်နဲ့၅၀ကြားဝန်းကျင်ရှိတယ်။ လက်ရှိအချိန်မှာသူတို့ကသဖန်းကိုင်းရွာထဲမှာ ၂နေရာခွဲထားတယ်လို့သိရတယ်။ ဘုန်းကြီးကျောင်းနဲ့စာသင် ကျောင်းနဲ့။ပြီးတော့ရွာထဲမှာပတ်သွားပြီး ရေနံဆီတို့ဓာတ်ဆီတို့လိုက်စုနေတယ်ဆိုတဲ့ သတင်းရတယ်။ အဲဒီတော့ရွာသားတွေကဘာကိုစိုးရိမ်နေလဲဆိုတော့ ဒီညသူတို့ရွာကိုမီးရှို့မလားဆိုပြီး စိုးရိတ်စိတ်တွေဖြစ်နေတယ်” ဟုဒေသခံကပြောသည်။
ယခင်ကလည်း သဖန်းကိုင်းရွာကို စစ်ကောင်စီတပ်အကြိမ်ကြိမ်ဝင်ရောက်စီးနင်းခဲ့ပြီး နေအိမ်၁၀လုံးကို မီးရှို့ထားကြောင်း ၎င်းက ဆိုသည်။
Public Service Announcement
