မင်းအောင်လှိုင်ဦးဆောင်သည့် အကြမ်းဖက်စစ်ကောင်စီတပ်အာဏာသိမ်းပြီးနောက်ပိုင်း စစ်ကောင်စီတပ်နှင့် လက်အောက်ခံအဖွဲ့အစည်းများက မီးရှို့၍ လူနေအိမ် ၆,၁၅၈ လုံးပျက်စီးခဲ့ကြောင်း Data For Myanmar က ယနေ့ ထုတ်ပြန်သည်။
စစ်ကောင်စီတပ် မီးရှို့ဖျက်ဆီးခဲ့သည့်နေအိမ် ၆,၀၀၀ ကျော်ရှိသည့်အနက် နေအိမ် ၃,၀၀၀ ကျော်မှာ ယခုနှစ် ဇန်နဝါရီနှင့်ဖေဖော်ဝါရီအတွင်း ပျက်စီးခဲ့ကြောင်း Data For Myanmar၏ စာရင်းများအရ တွေ့ရသည်။ ထို့ကြောင့် စစ်ကောင်စီတပ်သည် ယခုနောက်ပိုင်း အရပ်သားပြည်သူလူထုများ၏ ကျေးရွာများကို ပစ်မှတ်ထားတိုက်ခိုက်မှုများတိုး၍ လုပ်ဆောင်လာသည်ကို တွေ့ရသည်။
အဆိုပါအရေအတွက်သည် နေရာပေါင်း ၁၆၅နေရာ၌ ဖြစ်ပွားခဲ့ခြင်းဖြစ်ကြောင်း ဖော်ပြထားသည်။
Data For Myanmarက ပြုစုထားသည့် စာရင်းများအရ စစ်ကိုင်းတိုင်းကျေးရွာများ၌ မီးရှို့ခံရမှုအများဆုံး ဖြစ်ပြီး အိမ်ခြေ ၃,၆၀၀ကျော်ပျက်စီးခဲ့သည်ဟုဆို သည်။
Public Service Announcement
ချင်းပြည်နယ်တွင် အိမ်ခြေ ၁,၁၀၀ကျော်၊ မကွေးတိုင်း၌ အိမ်ခြေ ၉၀၀ခန့်၊ ကယားတွင် အိမ်ခြေ ၃၀၀ကျော်မီးလောင်ခဲ့ပြီးရှမ်းတောင်၊မန္တလေး၊တနင်္သာရီ၊ပဲခူးနှင့်ကရင် ဒေသများ၌လည်း စစ်ကောင်စီတပ်များမီးရှို့၍ နေအိမ်များပျက်စီးခဲ့သည်။
