ပြည်မြို့တွင် စစ်အာဏာရှင်ဆန့်ကျင်​ရေး ဘန်နာချိတ်ဆွဲသည်ဆိုကာ လူငယ်​လေးဦးကို စစ်​ကောင်စီ မတရားဖမ်းဆီး

ပဲခူးတိုင်း ပြည်မြို့လယ် နာရီစင်အပါအဝင်​​နေရာအချို့၌ စစ်အာဏာရှင်ဆန့်ကျင်​ရေး ဘန်နာချိတ်ဆွဲသည်ဆိုကာ မတ်လ၄ရက်တွင် အကြမ်းဖက်စစ်ကောင်စီက လူငယ်လေးဦးကို မတရားဖမ်းဆီးခဲ့ကြောင်း Pyay Underground News -PUGN မှတာဝန်ရှိသူတစ်ဦးက လူထု​နွေဦးသို့ ပြောသည်။

“လူငယ် ​လေးယောက်ပါသွားပါတယ်။ ရဲဘော်နှစ်ယောက် ရဲမေနှစ်ယောက်ပါ။ ဘန်နာချိတ်ပြီး အိမ်ကိုပြန်ရောက်မှဝင်ဖမ်းတာပါ”ဟု ၎င်းက ပြောသည်။

မတ်လ ၄ ရက်က ပြည်မြို့လယ်ရှိ နာရီစင်အပါအဝင်နေရာအချို့၌ PUGN နှင့် Shadow (Pyay Defence) တို့ပူးပေါင်း၍ ” ချုပ်ချယ်ရင် ရုန်းကန် ဖိနှိပ်ရင် တွန်းလှန်တိုက်ပွဲအောင်လံထူကြ လွှင့်ကြ”၊ “ပြည်သူတွေက လက်န က်မပါလဲတိုက်ရဲတယ် မင်းတို့သတ္တိရှိရင် လက်န က်မပါဘဲလာခဲ့ကြ” စသည့်စာသားများနှင့် ဘန်နာများချိတ်ဆွဲခဲ့ခြင်းဖြစ်သည်။

ယင်းကဲ့သို့ ချိတ်ဆွဲသည့်အပေါ် ဒလံသတင်းပေးမှုကြောင့် လူငယ်များဖမ်းဆီးခံခဲ့ရခြင်းဖြစ်ပြီး လူငယ်များ၏ ဖုန်းနှင့် ဆိုင်ကယ်များကိုလည်း သိမ်းသွားကြောင်း အထက်ပါတာဝန်ရှိသူက ပြောသည်။

Public Service Announcement

“တခြားပစ္စည်းတွေလဲဒီနေ့ထပ်လာသယ်ပါတယ်၊အိမ်အမိုးတွေကိုလဲ ညကလာဖျက်စီးသွားပါတယ်တဲ့၊အိမ်မှာ အမေအိုကြီးနဲ့ ကလေးလေးတွေ ရှိနေပါသေးတယ်” ဟု ၎င်းက ပြောသည်။

ယခုရက်ပိုင်း၌ ပြည်မြို့သို့ အကြမ်းဖက်စစ်ကောင်စီခေါင်းဆောင်လာရောက်မည့် သတင်းများထွက်ပေါ်နေပြီး ယခင်ထက်လုံခြုံရေးများပိုချထားကြောင်း သတင်းရရှိသည်။