မိုးဗြဲအခြေစိုက် စစ်ကောင်စီတပ် လူနေရပ်ကွက်များသို့ လက်နက်ကြီးဖြင့် ပစ်ခတ်နေ

ရှမ်းပြည်နယ်တောင်ပိုင်း ဖယ်ခုံမြို့နယ် မိုးဗြဲအခြေစိုက် အကြမ်းဖက်စစ်ကောင်စီ၏ ခမရ(၄၂၂) တပ်က ယနေ့ နေ့လယ်ပိုင်းတွင် မိုးဗြဲမြို့တွင်းသို့ လက်နက်ကြီးများ ပစ်ခတ်နေ၍ ပြည်သူများ လုံခြုံသည့်နေရာ၌ နေထိုင်ကြရန် မိုးဗြဲပြည်သူ့ကာကွယ်ရေးတပ်(PDF)က ထုတ်ပြန် သည်။

မတ်လ ၇ရက် နေ့လယ် ၂နာရီ ၁၅ မိနစ်မှစ၍ စစ်ကောင် စီတပ်က မိုးဗြဲ လူနေရပ်ကွက်များ ဆီသို့ လက်နက်ကြီးဖြင့် ၁၀ကြိမ်ထက်မနည်း ပစ်ခတ်ခဲ့ကြောင်း၊ အကြမ်းဖက် စစ်ကောင်စီသည် မိုးဗြဲ ရထားဘောင်မှ ဒုန်းဒူထန်ကျေးရွာနှင့် လွယ်ယင်းမင်္ဂလာကျေးရွာဘက်သို့ စစ်ကြောင်း ထိုးရန်ရှိသည်ဟု သတင်းရထားကြောင်း မိုးဗြဲ PDFက ထုတ်ပြန်သည်။

ထို့ကြောင့် မိုးဗြဲမြို့မှ ပြည်သူများအနေဖြင့် အသွား အလာ ပြုလုပ်ခြင်းများမလုပ်ကြရန်နှင့် လုံခြုံသည့် နေရာ၌ နေထိုင်ကြရန် အသိပေးကြောင်း ဖော်ပြထား သည်။

မိုးဗြဲမြို့တွင် ဖေဖော်ဝါရီ ၁၆ရက်မှစ၍ တိုက်ပွဲများ ပြင်းထန်ခဲ့ပြီး စစ်ကောင်စီတပ်ကလေကြောင်းတိုက်ခိုက်မှုများ လည်း လုပ်ဆောင်ခဲ့သည်။

Public Service Announcement

ယခင်ကလည်း စစ်ကောင်စီတပ်များ မိုးဗြဲမြို့ပေါ်သို့ လက်နက်ကြီးများ ရမ်းသန်းပစ်ခတ်ခဲ့၍ ဒေသခံများသေဆုံးထိခိုက်မှုများရှိခဲ့သည်။ ယခု လက်နက်ကြီး ပစ်ခတ်မှုကြောင့် ထိခိုက်မှုရှိ၊မရှိ မသိရသေးပေ။