ကချင်ပြည်နယ် မိုးညှင်းမှ မိုးကောင်းမြို့သို့ တက်လာသည့် စစ်ကောင်စီတပ်ယာဉ်တန်းကို ကချင်လွတ်လပ် ရေးတပ်မတော်(KIA)နှင့် ဟိုပင်ပြည်သူ့ကာကွယ်ရေးတပ်(PDF) တို့ ပူးပေါင်းတိုက်ခိုက်ခဲ့ရာ စစ်ကောင်စီတပ်မှ ၁၀ဦးထက်မနည်းသေဆုံးပြီး ထိခိုက်ဒဏ်ရာရသူများပြားကြောင်း ဟိုပင် PDFက ယနေ့ ထုတ်ပြန်သည်။
ယမန်နေ့(မတ်လ ၈ရက်) ညပိုင်းတွင် တင့်ကားပါဝင်သော စစ်ကောင်စီ၏ ဆီဘောက်ဆာကားများနှင့် စစ်ကောင်စီယာဉ်တန်းအား KIAနှင့် ပူးပေါင်းတိုက်ခိုက်ခဲ့ကြောင်း၊ နမ္မနှင့် တောင်နီကျေးရွာကြားတွင် မိုင်းဆွဲတိုက်ခိုက်ခဲ့ရာ စစ်ကောင်စီ၏ ဆီဘောက်ဆာကားတစွစီးနှင့် အနည်းဆုံး စစ်ကောင်စီယာဉ်တန်း လေးစီးထက်မနည်း ပျက်စီးမီးလောင်ခဲ့ကြောင်း ဖော်ပြထားသည်။
စစ်ကောင်စီဘက်မှ ၁၀ဦးထက်မနည်း သေဆုံးကာ ဒဏ်ရာရသူများပြားကြောင်း ၊ KIA/PDF ပူးပေါင်းတပ်ဖွဲ့မှ အကျအဆုံးမရှိ ပြန်လည်ဆုတ်ခွာနိုင်ခဲ့ကြောင်း ဟိုပင် PDFက ထုတ်ပြန်သည်။
မိုးညှင်းမြို့နယ်တွင် ယခုရက်ပိုင်းအတွင်း စစ်ကောင်စီတပ် ယာဉ်တန်းကို KIAနှင့် PDF ပူးပေါင်းတပ်မှ ကြားဖြတ်တိုက်ခိုက်မှုများ လုပ်ဆောင်လျက်ရှိရာ စစ်ကောင်စီတပ်မှ အထိနာခဲ့ပြီး PDF အချို့လည်း ကျဆုံးခဲ့သည်။
Public Service Announcement
