ကချင်လွတ်မြောက်ရေးတပ်မတော်(KIA) ဌာနချုပ်ဟောင်း လိုင်စင် ဒေသရှိ စစ်ကောင်စီတပ်စခန်းသို့ စစ်လက်နက်ရိက္ခာလာပို့သည့် စစ်ကောင်စီယာဉ်ကိုတိုက်ခိုက်ခဲ့ရာ ကားတစ်စီးပျက်စီးပြီး စစ်ကောင်စီတပ်ဖွဲ့ဝင်အချို့ ထိခိုက်သေဆုံးမှု ရှိနိုင်သည်ဟု KIA သတင်းနှင့် ပြန်ကြားရေးဌာန တာဝန်ခံ ဗိုလ်မှူးကြီးနော်ဘူက ပြောသည်။
မတ်လ ၁၄ရက် နံနက်ပိုင်းက ရှန်ခေါန်တောင်ရှိ စစ်ကောင်စီတပ်စခန်းသို့ စစ်လက်နက်ရိက္ခာလာပို့သည့် စစ်ကောင်စီတပ်ယာဉ်ကို KIAက မိုင်းဖြင့် တိုက်ခိုက်ခဲ့ခြင်းဖြစ်သည်ဟု ဆိုသည်။
“စစ်ကောင်စီဘက်ကတော့ ကားတစ်စီးကတော့ ပျက်စီးပြီးမှ ရပ်နေတာ တွေ့ထားတယ်လို့ပြောပါတယ်။ သူတို့ကတော့ စစ်သားတွေသိပ်မပါဘူးပြောတယ်။ ဒဏ်ရာရတာတွေ ကျတာတွေ ရှိမှာပါ။ ကားတောင်မှ ပျက်စီးသွားတယ်ဆိုတော့”ဟု ဗိုလ်မှူးကြီးနော်ဘူက ပြောသည်။
ယခုရက်ပိုင်းအတွင်း စစ်ကောင်စီတပ်နှင့် တိုက်ပွဲဖြစ်ပွားမှုများ နေ့စဉ်လိုလိုဖြစ်နေကြောင်း ၊ စစ်ကောင်စီတပ်မှ လက်နက်ကြီးများ ပစ်ခတ်ခြင်း၊ ရင်ဆိုင်တိုက်ပွဲဖြစ်ပွားခြင်းများရှိခဲ့သည်ဟု ၎င်းက ဆိုသည်။
Public Service Announcement
