ကရင်အမျိုးသားအစည်းအရုံး(KNU/KNLA ) တပ်မဟာ(၁)နယ်မြေ ဘီးလင်းမြို့နယ်ရှိ စစ်ကောင်စီ၏ မြို့မရဲစခန်းနှင့် မြို့နယ်အထွေထွေ အုပ်ချုပ်ရေးရုံးအား ကရင်အမျိုးသားလွတ်မြောက်ရေးတပ်မတော် – KNLA နှင့် ပြည်သူ့ကာကွယ်ရေးတပ်(PDF) ပူးပေါင်းတပ်ဖွဲ့များမှ သတိပေး တိုက်ခိုက် ခဲ့ကြောင်း သထုံ PDFက သတင်းထုတ်ပြန်သည်။
ယနေ့(မတ်လ ၂၈ရက်)နံနက် ၁၀နာရီခွဲအချိန်တွင် အဆိုပါ နေရာနှစ်ခုအား ပူးပေါင်းတပ်ဖွဲ့မှ ၄၀ (မမ)များဖြင့်သွားရောက်ပစ်ခတ်တိုက်ခိုက်ခဲ့ခြင်းဖြစ်ကြောင်း၊ထိခိုက်မှုမရှိပြန်လည်ဆုတ်ခွာနိုင်ခဲ့ကြောင်း ဖော်ပြထားသည်။
စစ်ကောင်စီတပ်ဖွဲ့ဝင်များနှင့် ထွေအုပ်ရုံးမှ စစ်ကောင်စီလက်ပါးစေများ သေဆုံးထိခိုက်မှု ရှိ၊မရှိ အခြေအနေကိုမူ ဖော်ပြမထားပေ။
KNUနှင့် သထုံ PDFပူးပေါင်းတပ်ဖွဲ့သည် မတ်လ၂၆ ရက်ကလည်း သထုံမြို့နယ် ပိန္နဲတော ကျေးရွာရှိ စစ်ကောင်စီ၏ အမှတ်(၈)ရှေ့တန်း ကွပ်ကဲရေးဌာနချုပ် အထိုင်စခန်းနှင့် ရှေ့တန်းစခန်း နှစ်ခုကို တိုက်ခိုက်ခဲ့ရာ စစ်ကောင်စီတပ်မှ ခြောက်ဦးသေဆုံးခဲ့ပြီး သုံးဦးထိခိုက်ဒဏ်ရာရခဲ့သည်ဟု ဆိုသည်။ ယင်းမတိုင်ခင် မတ်လ ၂၁ရက်ကလည်း သထုံမြို့နယ် ဝင်းပကျေးရွာနှင့် ဝီယော်ကျေးရွာရှိ စစ်ကောင်စီတပ်စခန်းနှစ်ခုကို ပူးပေါင်းတပ်ဖွဲ့မှ တိုက်ခိုက်ခဲ့သည်။
Public Service Announcement
