NUG ကိုယ်စားလှယ်ဦးစောဘလှသိန်း ဂျပန်ဝန်ကြီးချုပ်ဟောင်း ရှင်ဇိုအာဘေး၏နာရေးသို့ သွားရောက်

NUG၏ ဂျပန်နိုင်ငံဆိုင်ရာကိုယ်စားလှယ် ဦးစောဘလှသိန်းသည် အမျိုးသားညီညွတ်ရေးအစိုးရနှင့် မြန်မာနိုင်ငံသားများကိုယ်စား ဂျပန်ဝန်ကြီးချုပ်ဟောင်းမစ္စတာရှင်ဇိုအာဘေး၏ နာရေးသို့ သွားရောက်ခဲ့ကြောင်း သတင်းထုတ်ပြန်သည်။

အထက်ပါ NUG ကိုယ်စားလှယ်သည် ဂျပန်ရောက် မြန်မာ့ဒီမိုကရေစီ အင်အားစုများနှင့်အတူ Liberal Democratic Party ရုံးချုပ်ရှိ ဝန်ကြီးချုပ်ဟောင်း မစ္စတာရှင်ဇိုအာဘေး၏ နာရေးသို့သွားရောက်ခဲ့ရာ ဂျပန်မြန်မာပါလီမန်အမတ်များသမဂ္ဂဥက္ကဌနှင့် ဂျပန်အောက်လွှတ်တော် ဒုတိယဥက္ကဌ မစ္စတာ အိချိရိုအိုင်းဆဝမှ နှုတ်ဆက်ကြိုဆိုခဲ့သည်ဟု ဆိုသည်။

မြန်မာပြည်ဒီမိုကရေစီဖြစ်ထွန်းတိုးတက်ရေးအတွက် ဆောင်ရွက်ပေးခဲ့သည်များအား အမြဲအမှတ်ရနေမည်ဖြစ်ကြောင်း ကိုယ်စားလှယ်ဦးစောဘလှသိန်းက ပြောကြားခဲ့ပြီး ဝမ်းနည်းကြောင်းမှတ်တမ်းလွှာတွင် လက်မှတ်ရေးထိုးခဲ့သည်ဟု ထုတ်ပြန်သည်။