ထားဝယ်ခရိုင် လောင်းလုံးမြို့နယ်တွင် အကြမ်းဖက်စစ်ကောင်စီလက်အောင်ခံ ရဲနှင့် ပျူစောထီး များက ဒေသခံပြည်သူနှစ်ဦး ၎င်းတို့၏နေအိမ်များသို့ သွားရောက်ပစ်သတ်ခဲ့ကြောင်း လောင်းလုံး(ပကဖ)က ယနေ့(ဇူလိုင် ၂၅) ထုတ်ပြန်သည်။
ယနေ့နံနက်အစော ၁ နာရီခွဲခန့်တွင် လောင်းလုံမြို့နယ် မောင်မကန်ရဲစခန်းမှ ရဲနှင့် ပျူစောထီးများအပါအဝင်ငါးဦးသည် မောင်းမကန်ရွာနေ ရပ်မိ၊ရပ်ဖ တစ်ဦးဖြစ်သော ဦးဇော်ဝင်းအိမ်သို့ ကားဖြင့်ရောက်လာပြီး ဦးဇောဝင်းအား နေအိမ်အပြင်သို့ခေါ်ထုတ်ကာ ဦးခေါင်းကိုတေ့ပစ်ခဲ့သည်ဟု ဖော်ပြသည်။ ထို့အပြင် လက်တွင်လည်း နှစ်ချက်ပစ်ခတ်ခံရကာ အသက်ဆုံးရှုံးခဲ့ရသည်ဟု ဆိုသည်။
အလားတူ လောင်းလုံးမြို့နယ် သဘော့ဆိပ်ကျေးရွာမှ ဒေါပွာဆိုသူအားလည်း PDF များအားထောက်ပံ့သည်ဟူသော စွပ်စွဲချက်ဖြင့် ယနေ့နံနက်အစောပိုင်း ၁၂ နာရီခွဲခန့်တွင် သေနတ်ဖြင့် ပစ်ခတ်သတ်ဖြတ်သွားခဲ့ကြောင်း ထုတ်ပြန်သည်။
အကြမ်းဖက်စစ်ကောင်စီလက်ပါးစေ ရဲနှင့်ပျူစောထီးများ၏ ပစ်ခတ်သတ်ဖြတ်ခြင်းခံခဲ့ရသော ပြည်သူနှစ်ဦးမှာ ၎င်းတို့ရပ်ရွာများ၌ အေးဆေးစွာနေထိုင်တတ်သောရပ်မိရပ်ဖများဖြစ်ပြီး သတ်ဖြတ်ခံရပြီးနောက် ၎င်းတိုလနေအိမ်များမှ ဖုန်းနှစ်လုံး၊ လက်စွပ်တစ်ကွင်းနှင့် ကားတစ်စီး တို့ကို သိမ်းဆည်းသွားခဲ့သည်ဟု ဆိုသည်။
Public Service Announcement
“ကျွန်တော်တို့ ဒီစကစ နှင့် စကစ လက်ပါးစေများကို အစွမ်းကုန် လက်တုံ့ပြန် သွားမည် ဖြစ်ပါသည် ခင်ဗျာ”ဟု လောင်းလုံး(ပကဖ)မှ တာဝန်ရှိသူတစ်ဦးက မှတ်ချက်ပေးသည်။
လောင်းလုံးမြို့နယ်အတွင်း အကြမ်းဖက်စစ်ကောင်စီလက်ပါးစေများက အပြစ်မဲ့ပြည်သူများအား ရက်စက်စွာသတ်ဖြတ်မှုများကျူးလွန်လျက်ရှိရာ ပြီးခဲ့သည့် ပြီးခဲ့သည့်ဧပြီတွင် ပြည်သူလေးဦး၊ ဇွန်လအတွင်း ပြည်သူငါးဦး အသီးသီးအသက်ဆုံးရှုံးခဲ့ရသည်။
