'/%3E%3C/svg%3E){kind=small}
ပြည်သူလူထုအတွင်း တော်လှန်ရေး အဖွဲ့အစည်းအယောင်ဆောင် ငွေကြေးတောင်းခံခြင်းများ ရှိပါက ကရင်အမျိုးသားအစည်းအရုံး(KNU)သထုံခရိုင်တပ်မဟာ(၁)မိတ်ဖက်ရေးရာကြီးကြပ် ကွပ်ကဲမှု ကော်မတီသို့ တိုင်ကြားရန်ယင်းကော်မတီက ယနေ့ သတင်းထုတ်ပြန်သည်။
ကော်မတီမှ အသိအမှတ်ပြုထားသည့် ခရိုင်၊ တပ်မဟာ အတွင်းရှိ အခြေစိုက်တော်လှန်ရေး အဖွဲ့အစည်းများအနေဖြင့် ပြည်သူများအား ခြိမ်းခြောက်ငွေကြေးတောင်းခံခြင်းမရှိစေရေး တင်းကြပ်သည့် စည်းကမ်းများချမှတ်ထားပြီး ဖြစ်ကြောင်းအသိပေးသည်။
အကယ်၍လုပ်ဆောင်လာပါကစနစ်တကျစုံစမ်းပြီးပြင်းထန်စွာ အရေးယူသွားမည်ဖြစ်ကြောင်းလည်းဖော်ပြထားသည်။
မိတ်ဖက်ရေးရာကြီးကြပ်ကွပ်ကဲမှု ကော်မတီ ဦးဆောင်မှု တွင် PDFနှင့် PDF လက်အောက်ခံ မဟုတ်သော တော်လှန်ရေး အဖွဲ့အစည်းများ စနစ်တကျ ပါဝင်မှတ်ပုံတင်ခဲ့ပြီး ကော်မတီ၏ လမ်းညွှန်မှု နှင့် စည်းမျဉ်းစည်းကမ်းများအား လိုက်နာမည်ဟု ကတိပြုထားပြီးဖြစ်သည်ဟုဆိုသည်။
Public Service Announcement
ကော်မတီမှ ဘဏ္ဍာရေးလုပ်ငန်း ကော်မတီတစ်ရပ် ဖွဲ့ထားပြီး တပ်မဟာ(၁)နယ်မြေဖြစ်သည့် စစ်တောင်းတံတား နှင့် သံလွင်တံတားကြား ဒေသရှိ ပြည်သူများအား တော်လှန်ရေး အဖွဲ့အစည်းအယောင်ဆောင်ခြိမ်းခြောက်ငွေကြေး တောင်းခံခြင်းမရှိစေရေး စနစ်တကျ မူဝါဒ စည်မျဉ်းများချမှတ်ထားပြီး ဖြစ်ကြောင်း အသိပေးထားသည်။
မိတ်ဖက်ရေးရာကြီးကြပ်ကွပ်ကဲမှု ကော်မတီသည် ပြည်သူလူထုများ၏ဘက်မှ အပြည့်အ၀ ရပ်တည်၍ စစ်အာဏာရှင် စနစ် ကျဆုံးရေးကို ရှေးရှုပြီး တော်လှန်ရေး တိုက်ပွဲအား အမြန်ဆုံးအောင်မြင်မှု ရစေရေး စနစ်တကျ ဦးဆောင်တိုက်ပွဲဝင်သွားမည်ဖြစ်ကြောင်း ထုတ်ပြန်ခဲ့သည်။
