စစ်ကိုင်းတိုင်း၊ မုံရွာနှင့် ဆားလင်းကြီးမြို့နယ်တို့တွင် သစ်များကို သံကြိုးမတုပ်ဘဲ သယ်ဆောင်နေ၍ သစ်တင်ယာဥ်ကြီးများနောက် လိုက်ပါမောင်းနှင်ခြင်းမပြုရန် မုံရွာ ပြည်သူ့ကာကွယ်ရေးအဖွဲ့က ယနေ့(စက်တင်ဘာ ၄ ရက်) သတိပေးသည်။
စစ်ကောင်စီနှင့် ပူးပေါင်းလျက်ရှိသော မြန်မာ့သစ်လုပ်ငန်း ချင်းတွင်းဖောင်ဖွဲ့ရေးမှ သစ်တိုက်ယာဥ်ကြီးများသည် ချင်းတွင်းမြစ်အနောက်ကမ်း ညောင်ပင်ကြီးသစ်ဆိပ်မှ အလုံဖက်ရှိ သစ်ကွင်း၊သစ်ဆိပ်၊သစ်စက်များသို့ သယ်ယူလျက်ရှိသည်။
ထိုသို့သယ်ယူရာတွင် စစ်ကောင်စီနှင့် ပူးပေါင်းလျက်ရှိသော ဝန်ထမ်းကားသမားအချို့သည် သစ်လုံးများကားပေါ်တင်ရာတွင် အန္တရာယ်ကင်းအောင် သံကြိုးများမတုပ်ဘဲ လမ်းမပေါ်၌ ဖြစ်သလိုမောင်းနှင်နေကြောင်း၊ ထိုကြောင့် ပြည်သူများအနေဖြင့် အဆိုပါသစ်ကားများနှင့် ကပ်မလိုက်ရန် သတိပေးကြောင်း မုံရွာ ပကဖ က သတိပေးသည်။
သစ်သယ်ယာဥ်များအား မည်ကဲ့သို့ အရေးယူဆောင်ရွက်မည်ကို မုံရွာ(ပကဖ) အဖွဲ့က အသိပေးထားခြင်းမရှိပေ။
Public Service Announcement
မုံရွာမြို့ရှိ မြန်မာ့သစ်လုပ်ငန်းကိုလည်း တိုင်းပြည်သယံဇာတများ စည်းကမ်းမဲ့ ထုတ်ယူရောင်းချနေ၍ ဒေသတွင်း ပြည်သူ့ကာကွယ်ရေးအဖွဲ့အချို့က ဖောက်ခွဲသတိပေးမှုများ ပြုလုပ်ခဲ့ဖူးသည်။
