Connect with us

Hi, what are you looking for?

LuduNwayOo

သတင်း

ဂျီနီဗာဖွံ့ဖြိုးမှုဆိုင်ရာထိပ်သီးညီလာခံသို့ မြန်မာစစ်ကောင်စီကိုယ်စားလှယ် တက်ရောက်ခွင့်မရ

ကုလသမဂ္ဂအထွေထွေညီလာခံ(UNGA)မှ တရားဝင်အသိအမှတ်ပြုသော အစိုးရကိုယ်စားလှယ်များကို ဂျီနီဗာထိပ်သီးညီလာခံသို့ တက်ရောက်ခွင့်ပြုမည်ဖြစ်ပြီး လက်ရှိအချိန်အထိ စစ်ကောင်စီ၏ ကိုယ်စားလှယ်ကို UNGA က အသိအမှတ်မပြုသေးကြောင်းထုတ်ပြန်ချက်၌ ဖော်ပြသည်။

ဓာတ်ပုံ - Getty
ဓာတ်ပုံ - Getty

ဆွစ်ဇာလန်က လက်ခံကျင်းပမည့် ထိရောက်သောဖွံ့ဖြိုးမှုပူးပေါင်းဆောင်ရွက်ရေးထိပ်သီးညီလာခံသို့ မြန်မာစစ်ကောင်စီကိုယ်စားလှယ်ကို တက်ရောက်ခွင့်ပေးမည်မဟုတ်ကြောင်း မြန်မာနိုင်ငံဆိုင်ရာ ဆွစ်ဇာလန်သံရုံးက ယမန်နေ့တွင် ထုတ်ပြန်သည်။

ကုလသမဂ္ဂအထွေထွေညီလာခံ(UNGA)မှ တရားဝင်အသိအမှတ်ပြုသော အစိုးရကိုယ်စားလှယ်များကို ဂျီနီဗာထိပ်သီးညီလာခံသို့ တက်ရောက်ခွင့်ပြုမည်ဖြစ်ပြီး လက်ရှိအချိန်အထိ စစ်ကောင်စီ၏ ကိုယ်စားလှယ်ကို UNGA က အသိအမှတ်မပြုသေးကြောင်းထုတ်ပြန်ချက်၌ ဖော်ပြသည်။

ယင်းသို့ တရားမဝင်စစ်ကောင်စီကို တက်ရောက်ခွင့်ပြုမည်မဟုတ်သည့် ဆွစ်ဇာလန်အစိုးရ၏ ဆုံးဖြတ်ချက်ကို ကြိုဆိုကြောင်း Justice For Myanmarက ယနေ့ထုတ်ပြန်သည်။

ဓာတ်ပုံ - Getty
ဓာတ်ပုံ – Getty

“မြန်မာစစ်ကောင်စီဟာ တရားမဝင်တဲ့ အကြမ်းဖက် အဖွဲ့အစည်းဖြစ်ပြီး ရှေ့တန်းကနေ ဘယ်တော့မှ မဖိတ်ကြားသင့်ပါဘူး။ ထိရောက်သောဖွံ့ဖြိုးမှု ပူးပေါင်းဆောင်ရွက်ရေးအတွက် အမှန်တကယ်ရပ်တည်မယ်ဆိုရင် ထိပ်သီးညီလာခံဟာ ကုလသမဂ္ဂဆိုင်ရာမြန်မာအမြဲတမ်းကိုယ်စားလှယ် ဦးကျော်မိုးထွန်းကို ဖိတ်ကြားသင့်ပြီး အရေးပေါ်ဦးစားပေးမှုအဖြစ် အမျိုးသားညီညွတ်ရေးအစိုးရ NUG ကို အသိအမှတ်ပြုထိတွေ့ဆက်ဆံသင့်ပါတယ်” ဟု JFM ပြောရေးဆိုခွင့်ရှိသူ မရတနာမောင်က ပြောသည်။

Public Service Announcement

Public Service Announcement

လာမည့် ဒီဇင်ဘာ ၁၂ရက်မှ ၁၄ရက်အထိ ဂျီနီဗာ၌ ကျင်းပမည့် အထက်ပါထိပ်သီးညီလာခံသို့ အကြမ်းဖက်စစ်ကောင်စီ၏ ကိုယ်စားလှယ်ကို ဖိတ်ကြားသည်ဟု သတင်းများထွက်ပေါ်လာပြီးနောက် ဝေဖန်မှုများနှင့်ရင်ဆိုင်ခဲ့ရသော ဆွစ်ဇာလန်အစိုးရသည် မြန်မာစစ်ကောင်စီ၏ ကိုယ်စားလှယ်ကို ဖိတ်ကြားခြင်းမဟုတ်ဘဲ ဖွံ့ဖြိုးမှုနှင့် ပူးပေါင်းဆောင်ရွက်ရေးဌာနက ဂျီနီဗာရှိ အမြဲတမ်းကိုယ်စားလှယ်အဖွဲ့များအားလုံးထံ အကြောင်းကြားခြင်းဖြစ်ကြောင်း တုံ့ပြန်ဖြေရှင်းခြင်းဖြစ်သည်။

ယင်းထိပ်သီးညီလာခံသို့ ကမ္ဘာတစ်ဝန်းရှိ ဖွံ့ဖြိုးမှုပူးပေါင်းဆောင်ရွက်ရေး မူဝါဒများနှင့် အစီအစဥ်များနှင့်သက်ဆိုင်သော ဝန်ကြီးများ၊ ဆုံးဖြတ်ချက်ချမှတ်သူများ၊ အရပ်ဘက်အဖွဲ့အစည်းခေါင်းဆောင် များ၊ ပုဂ္ဂလိကကဏ္ဍ အမှုဆောင်အရာရှိချုပ်များနှင့် အခြား အရေးပါသူများ တက်ရောက်ကြမည်ဟု သိရသည်။

ဆက်စပ်သတင်းများ

သတင်း

စစ်ကောင်စီတပ်စခန်းမှ သိမ်းရသည့် လက်နက်ခဲယမ်းများကို တပ်ရင်းမှူးက ပြသရာ လက်နက်ကြီးလက်နက်ငယ်မျိုးစုံ အလက် ၃၀ကျော်နှင့် ခဲယမ်း၊ ကျည်များစွာ နှင့် စစ်အသုံးအဆောင်ပစ္စည်းများ ကို တွေ့ရသည်။

သတင်း

ဒုချုပ်စိုးဝင်းဒရုန်းနဲ့တိုက်ခိုက်ခံရတယ်ဆိုတာကို စစ်ကောင်စီရဲ့ပြောရေးဆိုခွင့်ရှိသူက ငြင်းဆိုထားပါတယ်။ စစ်​ကောင်စီ​ပြော​ရေးဆိုခွင့်ရှိသူက စစ်​ကောင်စီအတွက် သတင်းဆိုး​တွေဆိုရင် အမြဲ ငြင်းဆို​လေ့ရှိပါတယ် ။

သတင်း

ယ‌နေ့ညနေ ၃နာရီခန့်အထိ ရရှိထားသောသတင်းများအရ မိုးမောက်မြို့ပေါ်တွင် စစ်ကောင်စီလက်နက်ကြီးပစ်ခတ်မှုကြောင့် ကလေးတဦးအပါအဝင် သေဆုံးသူသုံးဦးရှိပြီး တစ်ဦးဒဏ်ရာရာရှိခဲ့ကြောင်း သိရသည်။

သတင်း

တော်လှန်ရေးပူးပေါင်းတပ် သိမ်းပိုက်ထားသည့် ခလရ(၂၇၅)တပ်မှ စစ်ကောင်စီတပ်သားများသည် ပြီးခဲ့သည့် ဧပြီ ၁၀ရက်ညကတည်းက အမှတ်(၂)တံတားသို့ထွက်​ပြေးလာပြီး ခိုလှုံ​နေခြင်းဖြစ်သည်။