မကွေးတိုင်း ဂန့်ဂေါမြို့နယ်၊ မင်းရွာရဲစခန်းမှ ရဲတပ်သားတစ်ဦး လက်နက်အတူ အလင်းဝင်လာကြောင်း ဂန့်ဂေါခရိုင်တပ်ရင်း အမှတ်(၁၄) ဒုတပ်ရင်းမှူး မျိုးသူရက ပြောသည်။
အဆိုပါရဲတပ်သားသည် ခရိုင်တပ်ရင်းသို့ အလင်းဝင်ရောက်လာသည့် လေးဦးမြောက် ရဲတပ်သားဖြစ်ပြီး ဖေဖော်ဝါရီ ၁၅ ရက်က ဝင်ရောက်လာခြင်းဟု ၎င်းက ဆိုသည်။
အဆိုပါ အလင်းဝင်ရောက်လာသူ လေးယောက်အနက် နှစ်ဦးမှာလက်နက်ဖြင့် ဝင်ရောက်လာခြင်းဖြစ်ပြီး ဆုကြေးပေးရန်လည်း တပ်ရင်းက စီစဉ်နေသည်ဟု ဒုတပ်ရင်းမှူး မျိုးသူရက ပြောသည်။
“CDMဝင်ဖို့သေချာပြီဆိုရင် ကျွန်တော်တို့ဘက်က အစစအရာရာကူညီပေးမှာပါ”ဟု ၎င်းက ပြောသည်။
Public Service Announcement
ဂန့်ဂေါခရိုင်တပ်ရင်း (၁၄)သည် အနောက်တိုင်းတပ်မဟာ (၇)လက်အောက်ခံတပ်ရင်း (၇၀၄)မှ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနက ၂၀၂၂ နိုဝင်ဘာတွင် ပြောင်းလဲတာဝန်ပေးခဲ့ခြင်းဖြစ်သည်။
