စစ်ကိုင်းတိုင်း၊ ရွှေဘိုမြို့နယ်၊ ရက်ကန်းစင် တစ်ရာဝန်းကျင်မီးရှို့ဖျက်ဆီးခံခဲ့ရသည့် ထူးကြီးကျေးရွာရှိ ပြည်သူများအတွက် လက်ရက်ကန်းစင် အစင် ၂၀ စတင်လှူဒါန်းပေးထားကြောင်း သတင်းရရှိသည်။
ပြီးခဲ့သည့် ဖေဖော်ဝါရီလ ၂၀ ရက်နေ့က စစ်ကောင်စီတပ်၏ မီးရှို့ဖျက်ဆီးမှုကြောင့် ရွှေဘိုမြို့နယ်၊ ထူးကြီးကျေးရွာရှိ နေအိမ်ပေါင်း ၂၀၀ ကျော်နှင့် စက်ရက်ကန်း၊ လက်ရက်ကန်းစင်တစ်ရာဝန်းကျင် မီးလောင်ကျွမ်းပျက်စီးခဲ့သည်။
ထိုရွာရှိ လက်ရက်ကန်းစင်ဆုံးရှုံးသွားသော ပြည်သူများအတွက် စင်ငါးဆယ်ခန့် လိုအပ်ပြီး လက်တလော ပြင်ပအလှူရှင်များက ၁၅ စင်၊S&C မီးဘေးစစ်ဘေးပညာရေး ကူညီစောင့်ရှောက်ရေးအဖွဲ့က ၅ စင် စုစုပေါင်း အစင်၂၀ လှူဒါန်းထားကြောင်း ပါဝင်ကူညီနေသူတစ်ဦးက ပြောသည်။
” ရက်ကန်းစင်လေးတွေ စပေးနေပြီ။ လောလောဆယ် ရတဲ့ စင် ၂၀ ကို မဲဖောက်ပေးမှာ။ ဝမ်းသာလွန်းလို့ ငိုကြတယ်တဲ့။”ဟု ပါဝင်ကူညီခဲ့သူ အမျိုးသမီးတစ်ဦးက ပြောသည်။
Public Service Announcement
လက်ရက်ကန်းစင်တစ်စင်လျှင် မြန်မာငွေကျပ် ၆ သိန်းနှင့် သယ်ပို့ခ ငါးသောင်းကုန်ကျကြောင်း၊ S&C အဖွဲ့မှတဆင့် ဆက်သွယ်ပါဝင်လှူဒါန်းနိုင်ကြောင်း သိရသည်။
