'/%3E%3C/svg%3E){kind=small}
မန္တလေးမှာ ဧပြီလဆန်းပိုင်းအတွင်း ရာအိမ်မှူးတွေနဲ့ ရဲတပ်ဖွဲ့ဝင် အချို့ ဆက်တိုက် ပစ်ခတ်သတ်ဖြတ်ခံရပြီးနောက် ရပ်ကွက်အလိုက် ပိတ်ဆို့စစ်ဆေးတာတွေရှိနေပြီး ဧပြီလ ၆ ရက်မှာ အမျိုးသား ၂ ဦး ကို စစ်ကောင်စီတပ်က ဖမ်းခေါ်သွားတယ်လို့ ဒေသခံအချို့ဆီက စုံစမ်းသိရပါတယ်။
ဖမ်းခံရသူ ၂ ဦးဟာ ချမ်းမြသာစည်မြို့နယ် ၊မြရည်နန္ဒာ အိမ်ရာဝင်းအတွင်း ဧပြီလ ၆ ရက် ည၈ နာရီခန့်က စစ်ကောင်စီတပ် ဝင်စစ်ရာမှာ ဖမ်းခံလိုက်ရတာပါ။
” လမ်းတွေပိတ်ပြီး အခန်းကိုအတိအကျပဲ အရပ်ဝတ်တွေနဲ့ဝင်ဖမ်းသွားတာ” လို့ မျက်မြင်တွေ့လိုက်ရတဲ့ မြရည်နန္ဒာအိမ်ရာဝင်းမှာနေထိုင်သူဒေသခံတစ်ဦးကပြောပြပါတယ်။
ပြည်ကြီးတံခွန်မြို့နယ်ထဲမှာ အမျိုးသား ၁ဦး ထပ်မံဖမ်းခံရတယ်ဆိုတဲ့သတင်းကြားရပေမယ့် အသေးစိတ်အတည်မပြုနိုင်ပါဘူး။
Public Service Announcement
ဧပြီလဆန်းအတွင်း မန္တလေးမှာ စစ်ကောင်စီခန့် ရာအိမ်မှူး ၃ ဦးထက်မနည်း ပစ်ခတ်သတ်ဖြတ်ခံရသလို ရဲ ၁ ဦးလည်းအပြင်ထွက်ချိန်သတ်ဖြတ်ခံရတာရှိပါတယ်။
အလားတူပါပဲ မန္တလေးမြို့ပေါ်မြို့နယ်တွေထဲမှာ အရပ်သား ၄ ဦးဟာလည်း သွေးသောက်အဖွဲ့ အမည်ခံ ထားတဲ့ အဖွဲ့ ရဲ့ သတ်ဖြတ်တာကိုခံခဲ့ရပါတယ်။
