'/%3E%3C/svg%3E){kind=small}
မန္တလေးမြို့မှာ လူသိများတဲ့ အညာသားကြီး အထည်ဆိုင်ပိုင်ရှင် မိသားစု ၃ ဦးကို စစ်ကောင်စီတပ်က ဖမ်းဆီးလိုက်ပြီး နေအိမ်ကိုလည်းချိတ်ပိတ်လိုက်တယ်လို့ ဒေသခံအချို့ဆီကသိရပါတယ်။
မိသားစု ၃ ဦးကို ပြီးခဲ့တဲ့ မတ်လ ၂၄ ရက် ဖမ်းဆီးတာဖြစ်ပြီး အောင်မြေသာဇံမြို့နယ်၊ ပြည်လုံးချမ်းသာရပ်ကွက်က နေအိမ်ကို မနေ့ ဧပြီလ ၅ ရက် လာရောက်ချိတ်ပိတ်သွားတာပါ။
ဖမ်းခံရသူ ၃ ဦးဟာ အညာသားကြီးအထည်ဆိုင်ပိုင်ရှင် လင်မယားနဲ့သမီးတို့ဖြစ်တယ်လို့ သိရပါတယ်။
အထည်ဆိုင်ပိုင်ရှင် ကိုကောင်းကျော်ဇံ ၊ ဇနီး မမာလာဝေ နဲ့ သမီး မမိုးသီတာထွန်း တို့ကိုဖမ်းဆီးထားတယ်လို့ လည်း စစ်ကောင်စီလော်ဘီ ဖေ့ဘွတ်ခ်တွေမှာဖော်ပြကြတာတွေ့ရပါတယ်။
Public Service Announcement
PDF ကို ငွေကြေးထောက်ပံ့တဲ့စွပ်စွဲချက်နဲ့ ဖမ်းဆီးတာလို့လည်း စစ်ကောင်စီလော်ဘီ လူမှုကွန်ရက်တွေက သတင်းဖြန့်ကြပါတယ်။
ပြီးခဲ့တဲ့ မတ်လအတွင်းမှာပဲ မန္တလေးမှာ NUG ချိတ်ဆက်ပြီး အွန်လိုင်းကနေ စာသင်လို့ဆိုကာ အမျိုးသမီး ၁၃ ဦးအပါအဝင် ၁၅ ဦးကို စစ်ကောင်စီက ဖမ်းဆီးခဲ့တာရှိပါတယ်။
