ဟန်နွေ/People’s Spring
ဆန္ဒအလောက် လက်နက်ချအလင်းဝင်ခဲ့သည့် စစ်ကောင်စီတပ်ဖွဲ့ဝင် ၇ဦးကို တစ်ဦးလျင် ကျပ် ၁၀သိန်းစီ ဆုငွေပေးအပ်ခဲ့ကြောင်း ကိုးကန့်တပ်မတော်(MNDAA)က သတင်းထုတ်ပြန်သည်။
လားရှိုးလွတ်မြောက်ရေး လှုပ်ရှားမှုစတင်ပြီးနောက် MNDAA နိုင်ငံရေးဌာနသည် လက်နက်ချအလင်းဝင်သူများအား ဆုချီးမြှင့်ရေးမူဝါဒကို ထုတ်ပြန်ခဲ့ကြောင်း၊ စစ်ပွဲများ ဆက်လက်ဖြစ်ပွားလာသည်နှင့်အမျှ မင်းအောင်လှိုင်၏ အာဏာသိမ်းအဖွဲ့ဝင်များသည် အခြေအနေကို ပိုမိုသိရှိနားလည်လာ၍ မဟာမိတ်တပ်ထံ လက်နက်ချအလင်းဝင်ရန် အစပြုကာ ဆုကြေးများ ရရှိခဲ့ကြောင်း ဖော်ပြထားသည်။
Public Service Announcement
သြဂုတ်လ ၁၃ ရက်တွင် သက်ဆိုင်ရာမူဝါဒများနှင့်အညီ မဟာမိတ်တပ်၏ နိုင်ငံရေးဌာန အလုပ်အဖွဲ့မှ မိမိဆန္ဒအလျောက် လက်နက်ချအလင်းဝင်ခဲ့သော မင်းအောင်လှိုင်၏ အာဏာသိမ်းတပ်သားတစ်စုအား ဆုချီးမြှင့်ခဲ့သည်ဟု အသိပေးကာ ဆုငွေပေးအပ်မှု ရုပ်သံကို ဖော်ပြသည်။
အလင်းဝင်လာသူများကို တစ်ဦးလျင် ကျပ် ၁၀သိန်းစီပေးအပ်ကြောင်း၊ လက်နက်ပါလာပြီး အလင်းဝင်ပါက ၁၅သိန်းဆုပေးပြီး ဗိုလ်ကြီးများဆိုပါက ကျပ်သိန်း ၂၀ပေးမည်ဖြစ်ကြောင်း ၊ ဗိုလ်ကြီးများ လက်နက်အပါအဝင် အလင်းဝင်ပါက ၂၅ သိန်းပေးမည်ဖြစ်ကြောင်း MNDAA တပ်မှူးက တရုတ်ဘာသာဖြင့် ပြောကြားချက်ကို အခြားတပ်ဖွဲ့ဝင်တစ်ဦးက ဘာသာပြန်ရှင်းပြသည်ကို ရုပ်သံ၌ ကြားရသည်။
” အလင်းဝင်တဲ့သူတွေ ဒီလိုမျိုး အကုန်လုံး တစ်ယောက်နဲ့ တစ်ယောက် ပြောပေးအုံးနော်။အများအားဖြင့် ကျနော်တို့ မင်းအောင်လှိုင်ကနော်တို့ တိုက်မယ်ပေါ့။ အများဖြင့် အလင်းဝင်ဖို့ ကျနော်တို့ ကောင်းကျိုးတွေ ပေးတယ်။ ကျနော် တို့ ဘာမှ မလုပ်ပါဘူးနော်”ဟုလည်း MNDAA တပ်မှူးက ပြောသည်။
မင်းအောင်လှိုင်၏ အာဏာသိမ်းတပ်သား ခုနစ်ဦးသည် လားရှိုးတိုက်ပွဲ အစောပိုင်းအဆင့်တွင် မဟာမိတ်တပ်ထံ လက်နက်ချရန် အစပြုခဲ့ခြင်းဖြစ်သော်လည်း အဆိုပါ ကာလက တိုက်ပွဲပြင်းထန်ခဲ့၍ လက်နက်ချသူ ၇ဦးအား နောက်တန်း၌ နေရစ်စေခဲ့ကြောင်း၊ မကြာသေးမီက အဆိုပါ ၇ဦးကို MNDAA နိုင်ငံရေးဌာန အလုပ်အဖွဲ့မှ ၎င်းတို့အား ပြန်လည်နေရာချထားနိုင်ခဲ့ပြီး ဆုကြေးများ ချီးမြှင့်ပေးခဲ့သည်ဟု အသိပေးသည်။
လက်နက်ချအလင်းဝင်သူ ခုနစ်ဦး၏ ကိုယ်ပိုင်ဆန္ဒအရ အာဏာသိမ်းစစ်တပ်မှ စစ်မြေပြင်သို့ အတင်းအကြပ် စုဆောင်းကာ စစ်မြေပြင်သို့ ပို့ဆောင်ခြင်းမျိုး မဖြစ်စေရန်အတွက် အထူးအုပ်ချုပ်ရေးဒေသ(၁) နယ်မြေအတွင်း ဆက်လက်နေထိုင်သွားစေမည်ဟု အသိပေးသည်။
