အိမ်သွင်/People’s Spring
အမျိုးသားညီညွတ်ရေးအစိုးရ(NUG)က ပြစ်ဒဏ်ကျပြီးသူများကို စီစစ်၍ လွတ်ငြိမ်းချမ်းသာခွင့်ကို မနက်ဖြန် ၂၀၂၅ နှစ်သစ်ကူးနေ့တွင် ကြေငြာမည်ဖြစ်သည်။
လွတ်ငြိမ်းချမ်းသာခွင့်နှင့် လွတ်ငြိမ်းသက်သာခွင့်ကို NUG သမ္မတရုံးက ကြေညာမည်ဟု NUG ပြည်ထဲရေးနှင့် လူဝင်မှုကြီးကြပ်ရေးဝန်ကြီးဌာန သတင်းရင်းမြစ်ကပြောသည်။
“သမ္မတကြီး ဒူဝါလရှီးလလက်မှတ်နဲ့ ထုတ်မှာ” ဟု အဆိုပါ သတင်းရင်းမြစ်က ပြောသည်။
Public Service Announcement
တော်လှန်ရေးအင်အားစုများကထိန်းသိမ်းထားသည့် Non CDMများ၊ NUG တရားရေးဝန်ကြီးဌာနက အမိန့်ချပြီး သော တရားခံများ၊တိုက်ပွဲများအတွင်းဖမ်းမိထားသည့် စစ်သုံ့ပန်းများကို စိစစ်၍ လွတ်ငြိမ်းပေးရန် ရှိသည်ဟု အခြား သတင်းရင်းမြစ်တစ်ဦးကလည်းပြောသည်။ သို့သော် အသေးစိပ်အချက်အလက်များကိုမူမသိရသေးပေ ။
” ပါသင့်ပါထိုက်တဲ့ သူတွေ လွတ်ငြိမ်းရှိမယ်။ လွတ်ငြိမ်းချမ်းသာနဲ့လွတ်ငြိမ်းသက်သာ။ တချို့က လွတ်သွားမယ်။ တချို့က ထောက်ဒဏ်လျော့မယ်” ဟု အထက်ပါသတင်းရင်းမြစ်ကပြောသည်။
NUGအစိုးရ၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်ဖွဲ့များနှင့် မဟာမိတ်များပူးပေါင်းဖော်ဆောင်နေသည့် တိုက်ပွဲများတွင် စစ်သုံ့ပန်းအများအပြားကို ဖမ်းမိထားသည်။ ထို့အပြင် စစ်ကိုင်းတိုင်းနှင့်မန္တလေးတိုင်းအတွင်းမြို့သိမ်းတိုက်ပွဲများတွင် Non CDM အချို့နှင့် ပြစ်မှုကျူးလွန်ထားသည့် ပျူစောထီးများကိုလည်း ဖမ်းဆီးထိန်းသိမ်းထားသည်။
ထိုအပြင် ၂၀၂၅ ဇန်နဝါရီ ၁ ရက် မနက် ၈ နာရီတွင် NUG ယာယီသမ္မတ ဒူဝါလရှီးလ က နိုင်ငံတော်အခြေပြ နှစ်သစ်ကူး မိန့်ခွန်း ပြော ကြားမည်ဟု NUG ကကြေညာထားသည်။
