People’s Spring
မြန်မာ-ထိုင်းနယ်စပ်မြဝတီမြို့နယ်အတွင်းဒီမိုကရေစီအကျိုးပြု ကရင့်တပ်မတော် (DKBA ) ထိန်းချုပ်ရာ နယ်မြေ ကျောက်ခက်ကျေးရွာက ကျားဖြန့် လို့ခေါ်တဲ့ အွန်လိုင်းငွေလိမ် လုပ်ငန်းတွေဆီမှာ လူကုန်ကူးခံရသူ နိုင်ငံခြားသား ၂၆၁ ဦးကို ဒီကနေ့(ဖေဖော်ဝါရီ ၁၂ရက်နေ့) ညနေပိုင်းမှာထိုင်း ဘက်ဆီ DKBA က လွှဲပြောင်းပေးလိုက်ပါတယ်။
ထိုင်းနိုင်ငံ တာ့ခရိုင်၊ ဖုတ်ဖရမြို့နဲ့ မြန်မာနိုင်ငံမြ၀တီမြို့နယ်၊ ကျောက်ခက်ကျေးရွာက နယ်ခြား သောင်းရင်းမြစ်ကမ်းမှာ DKBA က ထိုင်းစစ်တပ်ဆီလူကုန်ကူးခံရတဲ့ နိုင်ငံခြားသားတွေကို လွှဲပြောင်းပေးလိုက်တာပါ။
လူကုန်ကူးခံရသူတွေကို DKBA တပ်က Hilux Pickup ကားတွေနဲ့ သယ်ဆောင်လာပြီး သောင်ရင်းမြစ်ကို ဇက်နဲ့ကူးစေကာ ထိုင်းစစ်တပ် လက်ထဲ အပ်လိုက်တာပါ။ ထိုင်းဘက်ခြမ်း သောင်ရင်းမြစ် ကမ်းမှာတော့ ထိုင်းစစ်တပ်က စစ်သုံးထရပ်ကားတွေနဲ့ အသင့်စောင့်ကြိုနေတာ ကိုထိုင်းသတင်းမီဒီယာတွေက ဖော်ပြတဲ့ ဓာတ်ပုံတွေအရ တွေ့ရပါတယ်။
Public Service Announcement
ဒီနေ့ DKBA က ထိုင်းစစ်တပ်ဆီ လွှဲပြောင်းပေးလိုက်တဲ့ လူကုန်ကူးခံရသူ ၂၆၁ ဦးမှာ ဖိလစ်ပိုင်၊ ဘဂ်လားဒေ့ရှ်၊ ဘရားဇီး၊ ကင်ညာ၊ လာအို၊ အီသီယိုးပီယား၊ ပါကစ္စတန်၊ တန်ဇန်နီးယား၊ သီရိလက်ာ၊ ယူဂန်ဒါနဲ့ ထိုင်ဝမ်နိုင်ငံသားတွေ ပါဝင်တယ်လို့ ထိုင်းသတင်းမီဒီယာ The Reporters ရဲ့ဖော်ပြချက်အရသိရပါတယ်။
DKBA ရဲ့စစ်ဦးစီးအရာရှိချုပ် ဗိုလ်ချုပ်စောဆန်းအောင်က အခုလို လူကုန်ကူးခံရသူတွေကို ပြန်လည်လွှဲပြောင်းနေတာတွေဟာ တရုတ် ၊ ထိုင်း အစိုးရ ဖိအားပေးတွေကြောင့်မဟုတ်ဘူးလို့ DVB သတင်းဌာန ကို ဖြေကြားထားတာရှိပါတယ်။
