“ဝ”ပြည်သွေးစည်းညီညွတ်ရေးတပ်မတော်(UWSA)ထိန်းချုပ် ဒေသမိုင်းပေါက်မြို့တွင် လှောင်အိမ်ဖြင့် မွေးထားသော ဝက်ဝံကိုက်၍ ကလေးငယ်တစ်ဦး သေဆုံးသွားသည်။
“ဝက်ဝံက သံလှောင်အိမ်နဲ့ မွေးတာ။ ကလေးက အစာသွားကျွေးတာကို သံတိုင်ကြားကနေ လှမ်းဆွဲကိုက်တာ။ လက်နှစ်ဖက်စလုံးအရင်းကနေ ပြတ်ပြီး သွေးလွန်သေဆုံးတာ” ဟုဒေသခံတစ်ဦးကပြောသည်။
အဆိုပါ ဖြစ်စဉ်သည် မတ်လ ၂၂ရက်က ဖြစ်ခဲ့ပြီး သေဆုံးသည့် ကလေးငယ်မှာ အသက် ၇ နှစ်အရွယ်ဖြစ်သည်။ကလေးငယ်အား ဆေးရုံသို့ ပို့ဆောင်၍ ကုသခဲ့သော်လည်း သေဆုံးခဲ့ခြင်းဖြစ်သည်။
Public Service Announcement
“ဒီဘက်မှာ အဲ့လိုတောကောင်တွေကို ဈေးကြီးပေးဝယ်မွေးကြတယ်။ UWSA ကလည် အရေးတယူမလုပ်ဘူး။ဝက်ဝံကလူသားစားပြီးရင်မလွယ်ဘူး” ဟု ဒေသခံတစ်ဦးကပြောသည်။
ကလေးငယ်အားကိုက်သည့် ဝက်တံကို မည်ကဲ့သို့ဆက်လုပ်သည်ကိုမူ မသိရသေးပေ။
ဝက်ဝံသည် ဇီဝမျိုးစုံမျိုးကွဲနှင့် သဘာဝထိန်းသိမ်းရေး နယ်မြေများကာကွယ်စောင့်ရှောက်ခြင်း ဥပဒေ ပုဒ်မ ၃၇(က)အရ လုံးဝကာကွယ်ထားတဲ့တောရိုင်းတိရစ္ဆာန် (Completely protected species)အဖြစ် သတ်မှတ်ထားသည်။
“သူ့ဘာသာသူ သဘာဝအတိုင်း တောထဲနေရမယ့် ဝက်ဝံကိုသံလှောင်အိမ်ထဲထည့်မွေးတဲ့အထိ ဦးနှောက်သိမ်ဖျင်းတာကို ဥပဒေနဲ့ အရေးယူပေးပါ”ဟု မိုင်းပေါက်ဒေသခံတစ်ဦးကပြောသည်။
