ငလျင်ကြီး​ကြောင့်နန်းတွင်းထဲက လပခမှာစစ်သားနဲ့မိသားစုဝင်​တွေ​သေဆုံးဒဏ်ရာရသူများ

▪︎နန်းတွင်းကအ​ဆောက်အအုံ​တွေရဲ့ ၇၀ ရာခိုင်နှုန်း​လောက်ထိခိုက်ပျက်စီးတယ်လို့နန်းတွင်းကစစ်သားတဦး​ပြော

ဧပြီ-၄၊၂၀၂၅။ ရှိန်း/People’s Spring

ဖျက်အားပြင်းငလျင်ဒဏ်ကြောင့်မန္တလေးနန်းတွင်းထဲကအလယ်ပိုင်းတိုင်းစစ်ဌာနချုပ် (လပခ)ရဲ့အဆာက်အအုံများစွာပြိုကျခဲ့ပြီးသေဆုံး ဒဏ်ရာရသူအများအပြားရှိတယ်လို့ နန်းတွင်းမှာရှိ နေသူတဦးက ပြောပါတယ်။

“ငလျင်လှုပ်တော့ ကျွန် တော်တို့အ ဆောင် တွေအကုန်ပြိုသွားတယ်။လူတွေ အပြင်ထွက် ပြေးရတာ။အဲတာအပြီးမှာ ပြင်ပလူနာဌာနမှာဒဏ်ရာရ တွေ၂၀၀ကျော်‌‌တယ်။နှစ်ရက်လောက် ဒီအထဲကဘယ်ဆရာဝန်မှမနားရဘူး”လို့ မတ်လ ၂၈ ရက်ငလျင်ကြီးလှုပ်ပြီး အ​ခြေအ​နေကို စစ်​ကောင်စီတပ်ဖွဲ့ဝင်တဦးက ပြောပါတယ်။‌

Public Service Announcement

နန်းတွင်းထဲက စစ်တပ်အ​ဆောက်အအုံ​တွေအပြင်စစ်ကြောရေးအချုပ်ဆောင်​တွေလည်းပြိုကျခဲ့ပြီး နန်းတွင်းထဲရှိတဲ့ အ​ဆောက်အအုံရဲ့ ၇၀ ရာခိုင်နှုန်း​လောက် ပြိုကျခဲ့တယ်လို့ နန်းတွင်းထဲမှာ​နေတဲ့စစ်သားက​ပြောပါတယ် ။

နန်းတွင်းထဲမှာငလျင်​ကြောင့် အ​ဆောက်အအုံ​တွေပြိုလို့ စစ်​ကောင်စီတပ်ဖွဲ့ဝင်နဲ့ မိသားစုဝင်​တွေ ​သေဆုံးထိခိုက်တာ ၊အချုပ်​ဆောင်က အကျဥ်းသား​တွေထိခိုက်​သေဆုံးမှု အ​ခြေအ​နေ​တွေကို စစ်​ကောင်စီ က သတင်းအ​မှောင်ချထားပါတယ်။

ဒဏ်ရာရပြီး ကနဦး ဆေးရုံရောက်လာသူ တွေဟာ နန်းတွင်းကတပ်မိသားစုဝင် တွေသာဖြစ်ပြီး အချုပ်သားတွေမပါခဲ့ဘူးလို့သိရပါတယ်။မတ်လ၂၉ရက် နေ့မှာ ဆရာဝန်တချို့ကိုခွဲခေါ်ကာ အချုပ်သားတချို့ကုသပေးခဲ့တယ်လို့စုံစမ်းသိရပါတယ်။

“စီနီယာဆရာဝန်တချို့ကို ခေါ်သွားတာ။ဒဏ်ရာရတဲ့သူတွေ များတယ်လို့ပဲသိရတယ်။အရေအတွက်နဲ့သေဆုံးစာရင်းကိုမသိရဘူး။တပ်မိသားစုဝင်သေဆုံးစာရင်းတောင် ဆရာဝန်တွေ ကိုယ်တိုင်မသိရဘူး”လို့ အဲဒီအရာရှိတဦးက ပြောပါတယ်။

ဧပြီ ၄ ရက်​နေ့မနက်ပိုင်းအထိ နန်းတွင်းထဲမှာ ပြိုကျခဲ့တဲ့အဆောက်အဦး တွေကိုပစ္စည်းတွေယူခွင့်မပေးသလို ယာယီအ ဆောက်အဦး တွေလည်း ဆောက်လုပ်မပေးဘဲ ကွင်းပြင်မှာပဲ နေခိုင်းထားတယ်လို့စစ်တပ်မိသားစုဝင်တဦးက​ပြောပါတယ်။