ဧပြီ ၅ ရက်၊ ၂၀၂၅။ ကျော်ဇော/People’s Spring
ငလျင်ကြီးလှုပ်ခတ်မှုအပြီး ဘေးသင့်ပြည်သူများအား ကူညီထောက်ပံ့ရေးလုပ်ငန်းများ လုပ်ဆောင်လျှက်ရှိရာ မြို့နယ်ပေါင်း ၂၄ မြို့တွင် ကျပ်သိန်းပေါင်း ၁၂,၀၀၀ ကျော်(၁.၂ ဘီလီယံ) ထောက်ပံ့နိုင်ခဲ့ပြီဖြစ်ကြောင်း အမျိုးသားညီညွတ်ရေးအစိုးရ NUG၊ လူသားချင်းစာနာထောက်ထားရေးနှင့် သဘာဝဘေးအန္တရာယ်ဆိုင်ရာစီမံခန့်ခွဲရေးဝန်ကြီးဌာန MoHADM က ဧပြီ ၄ ရက် ရက်စွဲဖြင့် အသိပေးထုတ်ပြန်သည်။
ငလျင်ဘေးသင့်ပြည်သူများအား NUG ကာကွယ်ရေးဝန်ကြီးဌာနအောက်ရှိ တပ်ရင်း၊တပ်ဖွဲ့ ရဲဘော်များက ကူညီလုပ်ဆောင်မှုနှင့် စားနပ်ရိက္ခာပေးအပ်မှု ပြုလုပ်နေစဥ်။ ဓာတ်ပုံ – MOD ငလျင်ဘေးသင့်ပြည်သူများအား NUG ကာကွယ်ရေးဝန်ကြီးဌာနအောက်ရှိ တပ်ရင်း၊တပ်ဖွဲ့ ရဲဘော်များက ကူညီလုပ်ဆောင်မှုနှင့် စားနပ်ရိက္ခာပေးအပ်မှု ပြုလုပ်နေစဥ်။ ဓာတ်ပုံ – MOD ငလျင်ဘေးသင့်ပြည်သူများအား NUG ကာကွယ်ရေးဝန်ကြီးဌာနအောက်ရှိ တပ်ရင်း၊တပ်ဖွဲ့ ရဲဘော်များက ကူညီလုပ်ဆောင်မှုနှင့် စားနပ်ရိက္ခာပေးအပ်မှု ပြုလုပ်နေစဥ်။ ဓာတ်ပုံ – MOD
ရန်ပုံငွေထောက်ပံ့မှုများကို မန္တလေး၊ ပဲခူး၊ စစ်ကိုင်းနှင့် အိန္ဒိယနယ်စပ်၊ ရှမ်းပြည်တောင်ပိုင်း စသည့်ဒေသများမှ မြို့နယ် ၂၄ မြို့နယ်ကို ထောက်ပံ့ခဲ့ခြင်းဖြစ်ပြီး မန္တလေးအတွက် ကျပ်သိန်းပေါင်း ၇,၈၀၀ ကျော်ဖြင့် အများဆုံးဖြစ်သည်ကို တွေ့ရသည်။
တိုင်းနဲ့ ပြည်နယ်အလိုက် ရန်ပုံငွေထောက်ပံ့မှုများအရ မန္တလေးတိုင်းတွင် (၈)မြို့နယ်၊ စစ်ကိုင်းတိုင်း-အိန္ဒိယနယ်စပ် (၈)မြို့နယ်၊ ပဲခူးတိုင်း (၆)မြို့နယ်၊ နေပြည်တော်ကောင်စီနယ် မြေ (၁)မြို့နယ်နှင့် ရှမ်းပြည်တောင်ပိုင်း (၁)မြို့နယ် အသီးသီးပါဝင်ကြောင်း MoHADM ဌာန မှတ်တမ်းများအရ သိရသည်။
Public Service Announcement
မတ်လ ၂၈ ရက်က စစ်ကိုင်းမြို့အနီးဗဟိုပြု လှုပ်ခတ်ခဲ့သော ရစ်ချ်စတာစကေး ၇ ဒသမ ၇ ရှိ အားပြင်းငလျင်ကြောင့် ယမန်နေ့(ဧပြီ ၄ ရက်)အထိ ရရှိထားသော စာရင်းများအရ နိုင်ငံတဝှမ်းသေဆုံးသူ ၃,၃၅၄ ဦးနှင့် ထိခိုက်ဒဏ်ရာရရှိသူ ၄,၅၀၈ ဦးရှိကာ ပျောက်ဆုံးနေသူ ၂၂၀ ဦး ရှိသည်။
အမျိုးသားညီညွတ်ရေးအစိုးရ NUG အနေဖြင့် ငလျင်ဘေးသင့်ကာလအတွင်း NUG Public Affaris Hotlin(t.m/nugpublicaffarisbot)ဖွင့်လှစ်၍ နေ့စဥ် နံနက် ၁၀ နာရီမှ ည ၁၀ နာရီအတွင်း ဝန်ဆောင်မှုလုပ်ငန်းများ လုပ်ဆောင်ပေးလျှက်ရှိကြောင်း အသိပေးထားသည်။
၎င်းဝန်ဆောင်မှုများမှာ ငလျင်ဘေးသင့်မိသားစုများနှင့် အဆက်အသွယ်ပြတ်တောက်နေလျှင် ထိန်းချုပ်နယ်မြေအတွင်းဖြစ်ပါက မြေပြင်သတင်းစုံစမ်းပေးခြင်း၊ ငလျင်ဘေးလှူဒါန်းရန် ယုံကြည်စိတ်ချရသော အဖွဲ့အစည်းများနှင့် ချိတ်ဆက်ပေးခြင်း၊ ငလျင်ဘေးတွင် ကြုံတွေ့နေရသော အခက်အခဲများကို သတင်းပို့နိုင်ခြင်းနှင့် အကူအညီများချိတ်ဆက်ပေးခြင်း စသည့်အချက်များ ပါဝင်သည်။
