ဇူလိုင် – ၃၀ ၊၂၀၂၅၊ ဆိုင်းမင်း/People’s Spring
မန္တလေးတိုင်း၊ညောင်ဦးမြိုအထွက်ရှိDenko စက်သုံးဆီဆိုင်ကို ဇူလိုင် ၂၈ ရက် ညနေပိုင်းက ဓားပြတိုက််သွားတယ်လို့ မြို့ခံဆီကသိရပါတယ်။
ညောင်ဦး-ကျောက်ပန်းတောင်း ကားလမ်းဘေး တောင်ဘကျေးရွာအနီး က Denko စက်သုံးဆီဆိုင်ကို ဇူလိုင် ၂၈ ရက် ညနေ ၅ နာရီဝန်းကျင်က ဓားပြတိုက်သွားတာပါ။
ဆိုင်ကယ် ၃စီးနဲ့ အမျိုးသား ၆ဦး သေနတ်တွေနဲ့ရောက်လာပြီးဓားပြတိုက်သွားတာလို့သိရပါတယ်။
Public Service Announcement
“မြို့အထွက်နေရာဖြစ်တော့ လူသွားလူလာလည်းပြတ်တယ်၊ အဲနားမှာ အခြားဆီဆိုင်တွေလည်းရှိသေးတယ်”လို့ ညောင်ဦးမြို့ခံတစ်ဦးကပြောပါတယ်။
စက်သုံးဆီရောင်းရငွေ ကျပ်ငါးသိန်းကျော် ၊ ဆီလာဖြည့်တဲ့ ဆိုင်ကယ် ၂ စီး နဲ့ အိမ်စီးကား ၁ စီး ၊ ဆိုင်ဝန်ထမ်းတွေရဲ့ ဖုန်း တွေ ကို ဓားပြတိုက်သွားတယ်လို့စုံစမ်းသိရပါတယ်။
အခုဓားပြတိုက်ခံရတဲ့ Denko ဆီဆိုင်နဲ့ ၈ မိုင်ခန့်အကွာ ညောင်ဦး – ကျောက်ပန်းတောင်းလမ်းပိုင်း တောင်ဇင်းရွာအနီးမှာတော့စစ်ကောင်စီတပ် တပ်စွဲထားတာရှိပါတယ်။
ပြီးခဲ့တဲ့ နှစ်တွေအတွင်း မန္တလေးတိုင်းထဲက Denko ဆီဆိုင် ၂ ဆိုင် ဓားပြတိုက်ခံခဲ့ရပါသေးတယ်။
၂၀၂၃ ခုနှစ် မေလက အမရပူရမြို့နယ် ၊ ရှမ်းလေးကျွန်းရွာထိပ် စစ်ကိုင်း − မန္တလေး ကားလမ်းပေါ်က ဆီဆိုင် နဲ့ ၂၀၂၄ ခုနှစ်မှာတော့ အမရပူရမြို့နယ် ထုံးဘို-ပြင်ဦးလွင် လမ်းဘေး မုတ်ပုလဲကျေးရွာမှာဖွင့်ထားဆိုင် ဓားပြတိုက်ခံရတာဖြစ်ပါတယ်။
