ရွှေဘိုမြို့မှာ လုပ်ငန်းရှင်တွေကို ပကဖအမည်သုံးပြီး ခြိမ်းခြောက်ငွေလိမ်နေ

သြဂုတ်-၆၊ ၂၀၂၅။ဇေအောင်/People’s Spring

စစ်ကိုင်းတိုင်း၊ ရွှေဘိုမြို့မှာ လုပ်ငန်းရှင်တွေကို ရွှေဘိုပကဖအမည်သုံးပြီး ခြိမ်းခြောက်ငွေလိမ်တောင်းတာတွေ ဖြစ်ပွားနေကြောင်း သတင်းရရှိပါတယ်။

ရွှေဘိုမြို့နယ်ပြည်သူ့ကာကွယ်ရေးအဖွဲ့(ပကဖ)ရဲ့ အမည်နဲ့ တပ်ရင်းတစ်ခုရဲ့Logoကိုအသုံးပြုပြီးရွှေဘိုမြို့ပေါ်ကလုပ်ငန်းရှင်တချို့ကို ရုံးစာအတုနဲ့လိမ်လည်အလှူခံတာ၊ငွေတောင်းခံတာ၊ခြိမ်းခြောက်စာပို့ပြီး ဆက်ကြေးကောက်ခံတာတွေ ပြုလုပ်နေတယ်လို့ သိရကြောင်း ရွှေဘိုပကဖက ပြော​ပါတယ်။

“ငွေလိမ်ခံရတာ​က လောလောဆယ်တော့ သတင်းပေးပို့မှုအရ သိရတာ လုပ်ငန်းရှင် ၁ ဦး ရှိတယ်”လို့ ရွှေဘိုပကဖ တာဝန်ရှိသူက ပြောပါတယ်။ ဘယ်လောက်ပမာဏ အလိမ်ခံလိုက်ရတယ်ဆိုတာကိုတော့ မသိရပါဘူး။ ရွှေဘိုပကဖက ထုတ်ပြန်တဲ့ ငွေတောင်းတဲ့စာမှာတော့ ကျပ်၃ သိန်းပေးဖို့ တောင်းထားတာကို တွေ့ရပါတယ်။

Public Service Announcement

ရွှေဘိုမြို့နယ်ပြည်သူ့ကာကွယ်ရေးအဖွဲ့အနေနဲ့မည်သည့်လူပုဂ္ဂိုလ်၊ လုပ်ငန်းရှင်တွေဆီကိုမှရုံးစာထုတ်ပြီးအလှူခံတာ၊ငွေညှစ်တာ၊ခြိမ်းခြောက်ငွေတောင်းခံတာတွေ ပြုလုပ်ခြင်းမရှိကြောင်း၊ အလှူခံဖို့ကိုလည်း တဦးတယောက်ကိုမျှ တာဝန်ပေးထားတာမရှိကြောင်း ရွှေဘိုပကဖအဖွဲ့ တာဝန်ရှိသူက ဆိုပါတယ်။

“တော်လှန်ရေးကိုပုံရိပ်ကျအောင် တမင်လုပ်နေတာလို့ယူဆမိပါတယ်”လို့ ရွှေဘိုနယ်က ကာကွယ်ရေးရဲဘော်တဦးက ပြောပါတယ်။

ပြီးခဲ့တဲ့လအနည်းငယ်ကလည်းရွှေဘိုမြို့ပေါ်ကရွှေပန်းထိမ်လုပ်ငန်းရှင်တွေကို PDFအမည်သုံးပြီးခြိမ်းခြောက်ငွေညှစ်တာတွေရှိခဲ့ကြောင်း ဒေသခံတွေက ပြောပါတယ်။

အဲဒီဖြစ်စဥ်တွေကို စုံစမ်းဖော်ထုတ်ပြီး အရေးယူဆောင်ရွက်သွားမှာဖြစ်ပြီး ပြည်သူများအနေနဲ့လည်း အလားတူ ဖြစ်စဥ်မျိုး ကြုံတွေ့ပါက ရွှေဘိုမြို့နယ် ပြည်သူ့ကာကွယ်ရေးအဖွဲ့ရဲ့ Facebook Page Massenger ကနေ မေးမြန်းအတည်ပြုပေးကြဖို့မေတ္တာရပ်ခံထားပါတယ်။