စက်တင်ဘာ-၄ ၊၂၀၂၅/People’s Spring
ကရင်ပြည်နယ်၊မြန်မာ−ထိုင်းနယ်စပ်မျဉ်းဘေးဒီမိုကရေစီအကျိုးပြုကရင်တပ်မတော် (DKBA)ထိန်းချုပ်ရာကျောက်ခတ်ကျေးရွာကဆေးရုံဟောင်းနေရာကို စစ်တပ်က ကာမီကာဇီဒရုန်း ၂စင်းနဲ့ ဗုံးကြဲတိုက်ခိုက်ခဲ့တယ်လို့ လူထုနွေဦးရဲ့ ကရင်စစ်ရေးသတင်းရင်းမြစ်က ပြောပါတယ်။
ဒီကနေ့မနက်စော၈နာရီကျော်လောက်မှာဆေးရုံဟောင်းနေရာကို စစ်တပ်က ဗုံးကြဲခဲ့တာလို့ ဆိုပါတယ်။
“လူထိတာတော့ မရှိဘူး။ ဆေးရုံဆိုတော့ နည်းနည်းတော့များတာပေါ့။ အဆောက်အဦတော့ ပျက်သွားတယ်”လို့ ကရင်စစ်ရေးသတင်းရင်းမြစ်က ပြောပါတယ်။
Public Service Announcement
ကျောက်ခတ်ကျေးရွာဟာသောင်ရင်းမြစ်ဘေးတည်ရှိပြီးဒီမိုကရေစီအကျိုးပြုကရင်တပ်မတော် (DKBA)ထိန်းချုပ်ရာ နယ်မြေဖြစ်ပါတယ်။
ပြီးခဲ့တဲ့ လပိုင်းတွေက ကျားဖြန့်လုပ်ငန်းအသစ်တွေရှိရာ ဒေသဆိုပြီး လူမှုကွန်ရက်မှာ ကျယ်ကျယ်ပြန့်ပြန့်ထွက်ပေါ်ခဲ့ပါတယ်။
တရုတ်နဲ့အခြားနိုင်ငံခြားသားတွေအစုလိုက်၊အပြုံလိုက်ကျောက်ခတ်ကနေထွက်ပြေးလာကြတာတွေလည်း ဖြစ်ခဲ့တဲ့ ဒေသဖြစ်ပါတယ်။
လတ်တလော ကျောက်ခတ်ဒေသမှာ တိုက်ပွဲဖြစ်ပွားတာမရှိပါဘူး။
ကျောက်ခတ်ရဲ့ နယ်စပ်တကျောက စစ်ကောင်စီတပ်စခန်းတွေကိုတော့ တော်လှန်ရေးတပ်တွေက သိမ်းပိုက်ထားပါတယ်။
လက်တလောမှာ ကော့ကရိတ်မြို့နယ်မှာ တိုက်ပွဲတွေဖြစ်နေပြီး အာရှလမ်းပိုင်းမှာ တိုက်ပွဲတွေ ပြင်းထန်နေပါတယ်။
