စက်တင်ဘာ−၂၀၊ ၂၀၂၅။ ကျော်ဇော/ People’s Spring
ထားဝယ်ခရိုင်၊ ရေဖြူမြို့နယ်၊ အုန်းပင်ကွင်းကျေးရွာအုပ်အတွင်း ဂိတ်ချတပ်စွဲထားတဲ့ စစ်ကောင်စီတပ်သားတွေကို ပူးပေါင်းအဖွဲ့တွေနဲ့အတူ ၁နာရီကြာ သွားရောက်တိုက်ခိုက်ခဲ့တယ်လို့ ဒေါနစစ်ကြောင်း ၃(KBDF)မှ တာဝန်ရှိသူတစ်ဦးက ပြောပါတယ်။
စက်တင်ဘာ ၁၈ ရက် မနက် ၆ နာရီခန့်က အုန်းပင်ကွင်းကျေးရွာအုပ်စု၊ ပယကျေးရွာမှာတပ်စွဲထားတဲ့ အင်အား (၆၀)ခန့်ရှိ စစ်ကောင်စီတပ် ဂိတ်စခန်းကို တော်လှန်ရေးမဟာမိတ်တပ်တွေက ဝင်ရောက်တိုက်ခိုက်ခဲ့တာဖြစ်ပြီး စစ်သား သုံးဦးသေဆုံးတယ်လို့ အဲဒီတာဝန်ရှိသူက ပြောပါတယ်။
“ကံပေါက်ကနေ ထားဝယ် ရေနက်ဆိပ်ကမ်းကို သွားတဲ့ လမ်းပိုင်းပါဗျ။ လက်ရှိတော့ အင်အားဖြည့်ပြီး ကင်းပုန်းနဲ့ဝပ်ပြီး တပ်စွဲထားတုန်းလို့ သိရတယ်ဗျ”လို့ တိုက်ခိုက်ခဲ့တဲ့ စစ်တပ်ဂိတ်စခန်းအခြေအနေကို ဒေါနစစ်ကြောင်း ၃ (KBDF)မှ တာဝန်ရှိသူက လူထုနွေဦးကို ပြောပါတယ်။
Public Service Announcement
တိုက်ပွဲဖြစ်ပွားပြီးနောက်မှာ စစ်ကောင်စီရဲ့ ခလရ (၂၇၃)တပ်ရင်းမှ စစ်ကားလေးစီးဖြင့် အင်အားထပ်မံဖြည့်တင်းထားပြီး ကင်းပုန်းတွေလည်း ထပ်ချထားတယ်လို့ သိရပါတယ်။
အဲဒီတိုက်ပွဲမှာ တော်လှန်ရေးပူးပေါင်းတပ်က ရဲဘော် တဦး ဒဏ်ရာရရှိခဲ့ပြီး ပြည်သူနှစ်ဦးလည်း ထိခိုက်ဒဏ်ရာ ရရှိခဲ့တယ်လို့ ဒေါနစစ်ကြောင်း ၃(KBDF)က အသိ ပေးပါတယ်။
ပူးပေါင်းတိုက်ခိုက်မှုကိုတော့ ဒေါနစစ်ကြောင်း-၃(KBDF) ၊ ဒေါနတပ်ခွဲ-၆ (ဝေဟင်တပ်ဖွဲ့) ၊ ဒေါနတပ်ခွဲ-၇ (LPF) ၊ရာမညမွန်တပ်တော် (RMA)၊ ထားဝယ်ခရိုင် အမှတ်(၁) တပ်ရင်း-T1 ၊ ရေဖြူမြို့နယ် ပ.က.ဖ ၊ နဂါးနီပျောက်ကျားတပ်ဖွဲ့နှင့် ဗထူးတပ်မတော် (B.H.A)တို့ပါဝင်တိုက်ခိုက်ခဲ့တာလို့ သိရပါတယ်။
ထားဝယ်််််််ရေနက်ဆိပ်ကမ်းလမ်းပေါ်က စစ်တပ်ဂိတ်စခန်းကို တော်လှန်ရေးတပ်တွေ တိုက်ခိုက် စက်တင်ဘာ−၂၀၊ ၂၀၂၅။ ကျော်ဇော/ People'…
Posted by People's Spring on Friday 19 September 2025
ရုပ်သံ − ဒေါနစစ်ကြောင်း
