မတ်-၁၂၊၂၀၂၆။ သုည/People’s Spring
စစ်ကိုင်းတိုင်း၊ ယင်းမာပင်နဲ့ ရွှေဘိုမြို့နယ်အတွင်းက သပိတ်အဖွဲ့တွေ၊ ဒေသခံပြည်သူတွေဟာ စစ်အာဏာရှင်ဆန့်ကျင်ရေး လူထုသပိတ်လှုပ်ရှားမှုတွေကို ဒီကနေ့ (မတ်လ ၁၂)မှာ ပြုလုပ်ခဲ့ပါတယ်။
ယင်းမာပင်မြို့နယ်မှာ အောင်လံလွင့်မည်ရွှေရေကြည်လူထုသပိတ်က ဒေသခံပြည်သူတွေနဲ့ ပူးပေါင်းပြီး စစ်အာဏာရှင်ကို ဆန့်ကျင်ကြောင်း ဆန္ဒပြခဲ့ပါတယ်။
နယ်မြေမတည်ငြိမ်တဲ့ကြားက တော်လှန်ပြည်သူတွေက “ အကြမ်းဖက်စစ်အာဏာရှင်ကို အလိုမရှိကြောင်း” ၊ “ စစ်အာဏာရှင်စနစ် ကျရှုံးပါစေ” ၊ “ အရေးတော်ပုံမုချအောင်ရမည်” စတဲ့ ကြွေးကြော်သံတွေနဲ့ ဆန္ဒထုတ်ဖော်ခဲ့ကြပါတယ်။
Public Service Announcement
ရွှေဘိုမြို့နယ်မှာလည်း သပိတ်အင်အားစုက ဦးဆောင်ပြီး စစ်ဘေးရှောင်ရင်း မန္တလေးတိုင်းကို ရွှေ့ပြောင်း ကျပန်းလုပ်ကိုင်စားသောက်နေကြရာက ထပ်မံစစ်ဘေးရှောင်ရတာကြောင့် အခက်အခဲတွေကြုံတွေ့နေရတဲ့ ပြည်သူတွေကို လှူဒါန်းမှုတွေ သွားရောက်ပြုလုပ်ခဲ့ပါတယ်။
စစ်ကိုင်းတိုင်းအတွင်း ဒေသခံတော်လှန်ပြည်သူတွေဟာ နယ်မြေမငြိမ်သက်မှုကြားထဲကနေပဲ စစ်အာဏာရှင်ဆန့်ကျင်ရေး ဆန္ဒပြသပိတ်တွေကို နေ့စဉ်ပြုလုပ်နေကြပါတယ်။
ဓာတ်ပုံ – စစ်ကိုင်းဒေသသပိတ်အင်အားစု၊ ရွှေဘိုမြို့နယ်သပိတ်အင်အားစု
