'/%3E%3C/svg%3E){kind=small}
မတ်-၁၄၊၂၀၂၆။ သုည/People’s Spring
အမေရိကန်နိုင်ငံ ဝါရှင်တန်ဒီစီမြန်မာသံရုံးရှေ့နဲ့ တရုတ်သံအမတ်အိမ်ရှေ့တို့မှာ ပြည်ပရောက် မြန်မာတွေစုပေါင်းပြီး ကျောင်းသားခေါင်းဆောင် ကိုဖုန်းမော်နေ့အဖြစ် ဆန္ဒပြဆုတောင်းပွဲကို ဒီကနေ့ (မတ်လ ၁၄)မှာ ပြုလုပ်ခဲ့ပါတယ်။
၁၉၈၈အရေးတော်ပုံမှာ အသက်ပေးခဲ့ရတဲ့ ကိုဖုန်းမော်၊ ကိုစိုးနိုင်နဲ့ ဒီမိုကရေစီအရေးမှာ အသက်ပေးခဲ့ရတဲ့ ရဟန်းရှင်လူ ကျောင်းသားပြည်သူတွေ အတွက် ရည်ရွယ်ကာပြုလုပ်ခဲ့ခြင်း ဖြစ်ပါတယ်။
စက်မှုတက္ကသိုလ်၊ ပဉ္စမနှစ်ကျောင်းသား ကိုဖုန်းမော်ဟာ ၁၉၈၈ မတ် ၁၃ရက်မှာ စစ်တပ်က ပစ်ခတ်လို့ အသက်ဆုံးရှုံးခဲ့တာဖြစ်ပြီး ကိုဖုန်းမော် ကျဆုံးခဲ့တဲ့နေ့ကို မြန်မာ့လူ့အခွင့်အရေးနေ့ အဖြစ် နိုင်ငံရေးအသိုက်အဝန်းက သတ်မှတ်ဂုဏ်ပြုထားပါတယ်။
Public Service Announcement
မြန်မာ့အရေးတက်ကြွလှုပ်ရှားသူတွေဟာ အမေရိကန်အစိုးရနဲ့ လွှတ်တော်ကိုချဉ်းကပ်ပြီး စစ်ကောင်စီကို အစိုးရတရပ်အဖြစ် အသိအမှတ် မပြုရေး၊ အရေးယူဒဏ်ခတ်ပိတ်ဆို့တာတွေ ပိုပြီးပြုလုပ်ဖို့၊ တော်လှန်ရေးအင်အားစုတွေကို အသိအမှတ်ပြုပြီး အကူအညီပေးဖို့ တိုက်တွန်းနှိုးဆော်ခဲ့ပါတယ်။
ဓာတ်ပုံ – CJ
