'/%3E%3C/svg%3E){kind=small}
မတ်-၂၄၊ ၂၀၂၆။မိုမို/People’s Spring
စစ်ကိုင်းတိုင်း၊ချောင်းဦးမြို့နယ်မှာ နေအိမ်တွေ မီးရှို့နေတဲ့ စစ်တပ်စစ်ကြောင်းကို တိုက်ခိုက်ခဲ့ရာ သေဆုံးသူတွေနဲ့ ဖမ်းမိသူတွေရှိတယ်လို့ ဗမာလွတ်မြောက်ရေးဒီမိုကရက်တစ်တပ်ဦး(BLDF) တာဝန်ရှိသူက လူထုနွေဦးကို ပြောပါတယ်။
ချောင်းဦးမြို့ကနေ အင်အား ၂၀၀လောက်နဲ့ ပျူစောထီးအားကောင်းတဲ့ ကင်မွန်းတော်ကျေးရွာကို မတ်လ ၂၀ ရက်မှာ စစ်တပ်က ရိက္ခာပို့ဖို့ ထွက်လာတယ်လို့ ဆိုပါတယ်။
အဲဒီစစ်ကြောင်းကို ကနဦး မိုင်းဆွဲတိုက်ခိုက်ခဲ့တာအပြင် ကင်မွန်းတော်နဲ့ ချောင်းဦးမြို့ကြားမှာရှိတဲ့ ရှမ်းထူးကျေးရွာက နေအိမ်တွေကို မီးရှို့နေတဲ့ စစ်တပ်ကိုလည်း ဝင်ရောက်တိုက်ခိုက်ခဲ့တာလို့ အသိပေးပါတယ်။
Public Service Announcement
စစ်တပ်ကို တိုက်ခိုက်တဲ့ ဗမာလွတ်မြောက်ရေးဒီမိုကရက်တစ်တပ်ဦး(BLDF) ရဲဘော်တွေကို တွေ့ရစဉ်။ဓာတ်ပုံ – BLDF စစ်တပ်ကို တိုက်ခိုက်တဲ့ ဗမာလွတ်မြောက်ရေးဒီမိုကရက်တစ်တပ်ဦး(BLDF) ရဲဘော်တွေကို တွေ့ရစဉ်။ဓာတ်ပုံ – BLDF စစ်တပ်ကို တိုက်ခိုက်တဲ့ ဗမာလွတ်မြောက်ရေးဒီမိုကရက်တစ်တပ်ဦး(BLDF) ရဲဘော်တွေကို တွေ့ရစဉ်။ဓာတ်ပုံ – BLDF
“ရှမ်းထူးရွာထဲအထိုင်ချထားခဲ့တဲ့ စစ်တပ် အင်အားက ၄၀ ၅၀ လောက် ရှိတယ်။တိုက်ပွဲမှာ ကိုးယောက်လောက်သေဆုံးပြီး သုံးယောက်ဝန်းကျင်ဒဏ်ရာရတယ်။တစ်ဦးမိတယ်”လို့ အထက်ပါတာဝန်ရှိသူက ပြောပါတယ်။
ဗမာလွတ်မြောက်ရေးဒီမိုကရက်တစ်တပ်ဦး(BLDF) စစ်ဒေသ(၃)၊ မုံရွာခရိုင်ပကဖ(ရေနဂါးစစ်ကြောင်း)၊ချောင်းဦးမြို့နယ် ပကဖ(CHU PDF) ၊နယ်စီးမခြားစစ်ကိုင်းသားအဖွဲ့တို့ ပူးပေါင်းတိုက်ခိုက်မှုကနေ ဖမ်းမိတဲ့ စစ်ကောင်စီလက်အောက်ခံ ရဲတွေကို ချောင်းဦးမြို့နယ် ပကဖအဖွဲ့ဆီ လွှဲပြောင်း ပေးထားတယ်လို့ ဆိုပါတယ်။
အိမ်ခြေ ၄၇၀ ရှိတဲ့ ရှမ်းထူးရွာမှာ စစ်တပ်မီးရှို့ဖျက်ဆီးလို့ နေအိမ် ၁၅၀ထက်မနည်း ပျက်စီးသွားတယ်လို့ သိရပါတယ်။
လက်ရှိမှာ စစ်တပ်စစ်ကြောင်းက ချောင်းဦးမြို့ပေါ် ကို ပြန်ရောက်သွားပေမယ့် လက်နက်ကြီး နဲ့ ပစ်ခတ်မှုတွေ ရှိတာကြောင့် ဂရုစိုက်ကြဖို့လည်း BLDF က တိုက်တွန်းထားပါတယ်။
