တောင်သာမြို့နယ်မှာ ပန်းရံလုပ်ပြန်လာတဲ့ပြည်သူ၅ဦးကို စစ်တပ်ကသတ်ဖြတ်

ဇွန်-၂၊၂၀၂၆။ရှိန်း/People’s Spring

မန္တလေးတိုင်း၊တောင်သာမြို့နယ်ကိုစစ်တပ်ကစစ် ကြောင်း၄ကြောင်းထိုး​နေပြီး ပြည်သူ၅ဦး သတ်ဖြတ်ခံထားရသလို ပြည်သူအများအပြားကို ဖမ်းဆီးကာ နေအိမ်တွေကိုမီးရှို့နေတယ်လို့ ဒေသခံ တွေကပြောပါတယ်။

ဇွန်လ ၁ ရက်နေ့၊နေ့လည်၁၂ခွဲခန့်မှာတောင်သာ- ဝဲလောင်လမ်းပိုင်း၊ကိုင်းချောင်းတံတားအနီးမှာဂိတ်ဖွင့်ပိုက်ဆံကောက်နေတဲ့ စစ်တပ်စစ်ကြောင်းကပြည်သူ ၅ ဦးကိုဖမ်းဆီးသတ်ဖြတ်ခဲ့တာလို့ ​ဒေသခံအချို့က​ပြောပါတယ်။

စစ်တပ်က ကိုင်း​ချောင်းတံတားနေရာကိုဂိတ်ချစစ် ဆေး နေတဲ့အချိန် ပန်းရံလုပ်ပြီးပြန်လာတဲ့ ပြည်သူ ၇ ဦးကို ဖမ်းဆီးခဲ့တာဖြစ်ပြီး ၅ဦးကိုသတ်ဖြတ်ခဲ့တာပါ ။ကျန် ၂ ဦး လည်းပျောက်ဆုံးနေတယ်လို့ ဒေသခံတဦး ကပြောပါတယ်။

Public Service Announcement

“အလောင်းတွေကိုဒေသခံတွေကတွေ့လို့၅လောင်းလို့ ပြောရတာ။ကျန်တဲ့၂ ယောက်လည်း ပျောက် နေတယ်”လို့ ဒေသခံက ပြောပါတယ်။

ဇွန်လ၂ ရက်နေ့ မှာ အဲဒီစစ်ကြောင်းက တောင်သာ- ဝဲလောင်လမ်းပိုင်း၊ဗျိုင်းအင်းနဲ့ သဲတောရွာ တွေကို အင်အားဖြန့်တပ်စွဲထားတယ်လို့ သိရပါတယ်။

ဒါ့အပြင်တံတားအရှေ့ရွာကိုရောက်နေတဲ့စစ်တပ်စစ်ကြောင်းကလည်းကျားမတွင်းရွာကို ရောက်​နေပြီးရွာကို မီးရှို့ဖျက်ဆီး နေတယ်လို့​ေပါတယ်။

အလားတူ နတ်စောင့်ရွာကနေ တောင်ဘက်ကို ထွက်လာတဲ့ စစ်ကြောင်းကလည်း ထန်းပင်ခြံရွာကို ရောက် နေပြီး နေအိမ်တွေကိုမီးရှို့နေတယ်လို့ လူထုလှုပ်ရှားမှု ကော်မတီ တောင်သာကထုတ်ပြန်ထားပါတယ်။

ဒါအပြင်မကျီးကုန်းနဲ့ ဆုံကုန်းကို ရောက် နေတဲ့စစ်ကြောင်းကလည်း ညောင်ကုန်းရွာကို ရောက် နေပြီး ပြည်သူတွေကိုဖမ်းဆီးထားတယ်လို့ သိရပါတယ်။ ဆုံကုန်းရွာမှာ ဖမ်းဆီးခံထားရပြီး စစ်တပ်ကလမ်းပြလုပ်ခိုင်းတဲ့ပြည်သူ​တွေထဲက အမျိုးသား ၂ ဦးကိုလည်းစစ်တပ်ကသတ်ပြီးအ​လောင်း​တွေကိုထားခဲ့တယ်လို့သတင်းရရှိပါတယ် ။