ဇူလိုင်-၂၃၊၂၀၂၆။ရောင်နီ/People’s Spring
ရန်ကုန်မြို့၊ ပုဇွန်တောင်မြို့နယ်က တိုက်ခန်းတစ်ခန်းမှာ သံပန်းဘာဂျာတံခါးညပ်ပြီး အမျိုးသား ၁ဦးသေဆုံးသွားတယ်လို့ အခင်းနေရာကိုသွားရောက်ကူညီခဲ့တဲ့ ကိုပူတူးနဲ့ဘော်ဒါများအဖွဲ့က အသိပေးထားပါတယ်။
“သေဆုံးသူမှာ အပေါ်ဆုံးထပ်တွင် နေထိုင်သူဟု သိရပါတယ်။သော့ကျန်ခဲ့လို့ ရသလို ကျော်ဝင်ရင်း ဖြစ်သွားတယ် ထင်ပါတယ်” လို့ ကိုပူတူးက ရေးသားထားပါတယ်။
ဒီဖြစ်စဉ်ဟာ ဒီကနေ့(ဇူလိုင်၂၃) နံနက်မှာသွားရောက်ကူညီခဲ့တာဖြစ်ပြီး အင်္ကျီဝတ်မထားတဲ့အမျိုးသားက ပိတ်ထားတဲ့ သံပန်းဘာဂျာ တံခါးကို အလယ်ကကျော်ဝင်ရင်း ဘာဂျာတံခါးကြားမှာ ဦးခေါင်းညပ်ပြီးသေဆုံးနေတာကို အခင်းဓာတ်ပုံတွေမှာ တွေ့မြင်ရပါတယ်။
Public Service Announcement
ဒီဖြစ်စဉ်က ညနက်ပိုင်းမှာ ဖြစ်တာကြောင့် အနီးအနားက ကူညီမယ့်သူမရှိတာဖြစ်နိုင်တယ်လို့ ဖေ့စ်ဘွတ်ခ်အသုံးပြုသူတွေက မှတ်ချက်ရေးသားထားကြပါတယ်။
သေဆုံးသူရဲ့ ရုပ်အလောင်းကို ရန်ကုန်ဆေးရုံကြီး အရေးပေါ်ဌာနကို ပို့ဆောင်ပေးခဲ့တယ်လို့ ကိုပူတူးက အသိပေးထားပါတယ်။
ရန်ကုန်မြို့က တိုက်ခန်းတွေမှာ ခိုးဆိုးလုယက်မှူတွေ မကြာခဏ ကြုံနေရတာကြောင့် ပြည်သူတွေက လုံခြုံရေးအတွက် တိုက်ခန်း အောက်ဆုံးထပ်မှာ သံပန်းဘာဂျာတံခါးတွေကို သော့ပိတ်နေကြရတာပါ။
