သြဂုတ် ၁၊ ၂၀၂၆ ဇေအောင်/People’s Spring
စစ်ကိုင်းတိုင်း၊ မုံရွာမြို့နယ်က သစ်ညိုပင်ကျေးရွာဘုန်းကြီးကျောင်းကို အာဏာသိမ်းစစ်တပ်က လေကြောင်းကနေ ဗုံးကြဲတိုက်ခိုက်လို့ ကလေးငယ်တွေအပါအဝင် ပြည်သူ ၁၂ ဦး ဒဏ်ရာရပြီး ဘုန်းကြီးကျောင်းအပါအဝင် ပျက်စီးမှုတွေ ရှိခဲ့ကြောင်း မြို့နယ်ပြည်သူ့ကာကွယ်ရေးအဖွဲ့က ထုတ်ပြန်ပါတယ်။
ဒီကနေ့ သြဂုတ် ၁ ရက်၊ ညနေ ၆နာရီခွဲခန့်က မုံရွာမြို့နယ်၊ သစ်ညိုပင်ကျေးရွာဘုန်းတော်ကြီးကျောင်းနဲ့ အနီးဝန်းကျင်ကို ဂျက်ဖိုက်တာနဲ့ ပေါင် ၅၀၀ ဗုံးသီး ၂ လုံးကြဲ တိုက်ခိုက်ခဲ့ကြောင်း မုံရွာပကဖအဖွဲ့က အသိပေးပါတယ်။
အဲဒီ လေကြောင်းတိုက်ခိုက်မှုကြောင့် ကလေးငယ် ၅ ဦးအပါအဝင် ပြည်သူ ၁၂ ဦး ထိခိုက်ဒဏ်ရာရရှိခဲ့ပြီး ဘုန်းကြီးကျောင်း အဆောက်အဦး ၁ လုံး၊ နေအိမ် ၁ လုံးနဲ့ ဘုန်းကြီးကျောင်းအုတ်တံတိုင်းတွေ ပျက်စီးဆုံးရှုံးခဲ့ကြောင်း မုံရွာပကဖအဖွဲ့က ထပ်မံအသိပေးပါတယ်။
Public Service Announcement
အာဏာသိမ်းစစ်တပ်ဟာ စာသင်ကျောင်းတွေ၊ ဘုန်းတော်ကြီးကျောင်းတွေကဲ့သို့ ပြည်သူတွေ စုတဲ့နေရာတွေကို ပစ်မှတ်ထားတဲ့ လေကြောင်းတိုက်ခိုက်မှုတွေ ပေါ်ပေါ်ထင်ထင် ကျူးလွန်နေတာကြောင့် ပြည်သူတွေအနေနဲ့လက်နက်ကြီးနဲ့ လေကြောင်းအန္တရာယ် သတိပြုပြီး နေထိုင်ကြဖို့ မုံရွာမြို့နယ်ပြည်သူ့ကာကွယ်ရေးအဖွဲ့က သတိပေးထားပါတယ်။
