စဉ့်ကူးနဲ့ မတ္တရာက စစ်ရှောင်တွေ စားနပ်ရိက္ခာ အကူညီလိုအပ်နေ

ဩဂုတ်-၃၊၂၀၂၆၊ကတ်သရင်း/People’s Spring

မန္တလေးတိုင်းက စဉ့်ကူးနဲ့ မတ္တရာမြို့နယ်တို့မှာ စစ်ဘေးရှောင်နေရတဲ့ဒေသခံပြည်သူ ထောင်နဲ့ချီပြီး စား‌ဝတ်နေရေးခက်ခဲ နေတယ်လို့ ဒေသခံတွေနဲ့ စစ်ဘေးရှောင်ကူညီသူတွေကပြောပါတယ်။

မတ္တရာမြို့နယ်အရှေ့ခြမ်းက ကျေးရွာတွေဟာ ပြီးခဲ့တဲ့၂၀၂၅ ဩဂုတ်က စစ်တပ်ပြန်လည်ဝင် ရောက်စဉ်ကတည်းက ရှောင်တိမ်းနေရပြီး ယခုဆို ၁နှစ်နီးပါးကြာမြင့်ကာ တိမ်းရှောင်နေရတာလို့ သိရပါတယ်။

“မတ္တရာ အရှေ့ခြမ်းက တော့ရွာ ပေါင်းစုံပါပဲဗျ။အဓိက ဆန်၊ဆီ၊ဆားနဲ့ဆေးဝါးရိက္ခာလိုအပ်နေတယ်လို့ကျွန်တော်တို့လည်းသိရတယ်။အလှူရှင်တွေလည်းလာတော့လာတယ်သူတို့ဘက်ကိုမရောက်တာတဲ့”လို့ မန္တလေးကမြေ ပြင်ကင်း ထောက်အဖွဲ့ Voice Of Mandalay ကတာဝန်ရှိသူတစ်ဦးက ပြောပါတယ်။

Public Service Announcement

စစ်ဘေးရှောင်တွေကို ကူညီလိုပါက Voice Of Mandalay ကတဆင့်လည်း လာရောက်ကူညီနိုင်ကြောင်း အဖွဲ့က ကြေညာထားပါတယ်။

အလားတူ စဉ့်ကူးမြို့နယ် အနောက်ခြမ်းက သဲအင်း၊ကျွန်းကြီး၊ကျွန်းတော်၊ဟင်္သာမ၊ကြက်တူရွေး၊‌‌မြစ်ကမ်းကြီး ကျေးရွာ တွေမှာလည်း နေအိမ်တွေ မီးရှို့ခံထားရကာယ နေ့အထိ စစ်ဘေးရှောင် နေရတာမို့ အခက်အခဲနဲ့ရင်ဆိုင် နေရတယ်လို့ ဒေသခံတွေက ပြောပါတယ်။

“ကျန်းမာ ရေးကိစ္စဘယ်သူက တွေးနိုင်မှာလဲ။အခုက ထမင်းစားဖို့ တောင်အနိုင်နိုင်ဖြစ် နေကြပြီ။ရေတက်တဲ့ကာလဆိုတော့ စစ်တပ်က ဗုံးချရင် တောင်ထွက် ပြေးဖို့ စက်ဆီဖိုးမရှိတဲ့အိမ် တွေရော၊ဖြစ်သွားလည်းဘယ်တက်နိုင်မလဲ။အကုန်ဒုက္ခတွေရောက်ကြတာပါ”လို့ ဒေသခံ တွေက ပြောပါတယ်။

ဒါ့အပြင် ကျေးရွာတွေဘက်ကို စစ်တပ်က ဒရုန်းနဲ့ဗုံးကြဲတာ၊လက်နက်ကြီးနဲ့ပစ်တာတွေကြောင့် ပြည်သူသေဆုံးတာတွေရှိနေလို့ ပြည်သူတွေဟာ ကျေးရွာတွေက‌ ရှောင်တိမ်းနေရဆဲဖြစ်တယ်လို့ သိရပါတယ်။