ဩဂုတ်-၅၊၂၀၂၆။ကတ်သရင်း/People’s Spring
မန္တလေးတိုင်း၊မိုးကုတ်မြို့မှာမိုးသည်းထန်စွာရွာပြီးမြေပြိုကျတာကြောင့် လူနေအိမ်၂လုံး ထိခိုက်ပျက်စီးပြီး အမျိုးသားတဦးဒဏ်ရာရခဲ့တယ်လို့ ဒေသခံ တွေက ပြောပါတယ်။
မိုးကုတ်မြို့၊အနောက်ပိုင်း၊ပန်းမရပ်ကွက်၊ပတ္တမြားသျှိုမှာမြေထိန်းနံရံပြိုကျပြီးနေအိမ်တွေထိခိုက်ပျက်စီးခဲ့တာဖြစ်ပါတယ်။
“တအိမ်ကတော့လုံးလုံးပိသွားတယ်တဲ့။လူအထိခိုက်မသိရသေးဘူး။တအိမ်ကတော့တခြမ်းပဲပါသွားတယ်တဲ့။အခုတ ယောက်တွေ့တယ်။ယောက်ျားလေးပဲ”လို့ မြို့ခံတဦးက ပြောပါတယ်။
Public Service Announcement
မိုးဆက်တိုက်ကောင်းနေတာကြောင့်တောင် စောင်းအနီးနဲ့ရေ ချောင်းအနီးနေထိုင်သူ တွေလည်း ဂရုစိုက်နေထိုင်ကြရန် မြို့ခံပရဟိတ အသင်း တွေကလည်း သတိပေးထားတယ်လို့ သိရပါတယ်။
“ပန်းမရပ်ကွက်က တခါမှမပြိုဖူးဘူး။အခုပြိုတယ်ဆိုတော့အန္တရာယ်များတယ်။မိုးကလည်းရွာနေတော့အကုန်ဂရုစိုက်ကြရမှာ”လို့ မြို့ခံတဦးကလည်းပြောပါတယ်။
ပြီးခဲ့တဲ့၂၀၂၁ခုနှစ်၊ဩဂုတ်လမှာလည်း မိုးကုတ်မြို့အနောက်ခြမ်းကမြို့မရပ်ကွက်နဲ့ အောင်သစ်လွင် ရပ်ကွက်တို့မှာ မိုးကြီးပြီး မြေပြိုခဲ့တာကြောင့် ကလေး တွေအပါအဝင် ပြည်သူ ၁၁ ဦးသေဆုံးခဲ့ပါတယ်။
