ဧရာဝတီတိုင်း၊ရေကြည်-သာ​ပေါင်းအစပ်မှာတိုက်ပွဲတွေဆက်ပြင်းထန်

သြဂုတ်-၉၊၂၀၂၆။ဇော်ရမ်း/People’s Spring

ဧရာဝတီတိုင်း၊ရေကြည် နဲ့ သာပေါင်းမြို့နယ်အစပ်မှာတိုက်ပွဲတွေဆက်ပြင်းထန်နေပြီးစစ်တပ်က အရပ်သားတွေရှိနေတဲ့ ရွာကိုဗုံးကြဲ‌ နေတယ်လို့ ​ဒေသခံ​တွေက​ပြောပါတယ်။

ဩဂုတ်လ ၅ရက်ကနေဩဂုတ်လ ၉ရက်မနက်ပိုင်းအထိ ဖြစ်ပွားတဲ့တိုက်ပွဲအတွင်းသာပေါင်းမြို့နယ်ထဲက သာပေါင်းကလေးရွာနဲ့ ပတ်ဝန်းကျင်ကို စစ်တပ်ကလေယာဉ်နဲ့ ရှစ်ကြိမ်ဗုံးကြဲခဲ့တယ်လို့ ဒေသ‌ခံတွေက ပြောပါတယ်။

” Y12ရော၊ ဂျက်ဖိုက်တာပါလာကြဲတာ။ ရိုးမအစပ်ရွာတွေလည်း ကြဲတယ်။ဒီရက်ထဲတင် နှစ်ဦးသေဆုံးတယ်။ဒီနေ့လည်း ချနေတာပဲ” လို့ ဒေသခံတစ်ဦးကပြောပါတယ်။

Public Service Announcement

ရေကြည်မြို့နယ်နဲ့ ဆက်စပ်နေတဲ့ လေးမျက်နှာမြို့နယ်မှာ ဇူလိုင်လ ၃၀ ရက်ညက ငဝန်မြစ်ရေကာတာကျိုးလို့ ဧရာဝတီတိုင်းကမြို့နယ်အချို့မှာ အခုရက်ပိုင်းရေဘေးရင်ဆိုင်နေရပါတယ်။လက်ရှိရေဝင်နေတဲ့ ဒေသတွေမှာ ရေကြည်မြို့နယ်လည်း ပါဝင်ပါတယ်။

ဧရာဝတီနဲ့ ရခိုင်ပြည်နယ် နယ်စပ်မှာ တိုက်ပွဲတွေ ဆက်ဖြစ်နေပြီးမြေပြင်တိုက်ပွဲတွေမှာ ထိခိုက်ကျဆုံးမှုများနေတဲ့ စစ်တပ်က လေကြောင်းတိုက်ခိုက်မှုတွေကိုအရှိန်မြှင့်တိုက်ခိုက်နေတယ်လို့ အာရက္ခတပ်တော်(AA) က ဩဂုတ်လ ၅ ရက်မှာ သတင်းထုတ်ပြန်ထားပါတယ်။

သာပေါင်း နဲ့ ရေကြည်မြို့နယ်အတွင်းဩဂုတ်လဆန်းကဖြစ်ခဲ့တဲ့တိုက်ပွဲတွေမှာစစ်တပ်ကအထိအခိုက် အကျအဆုံးများပြီး တပ်ပျက်တဲ့အထိ ကစဉ့်ကလျား ဆုတ်ခွာထွက်ပြေးသွားခဲ့တယ်လို့ AA က ထုတ်ပြန်ထားပါတယ်။တိုက်ပွဲတွေအတွင်းစစ်သားအလောင်းအချို့နဲ့ လက်နက်ခဲယမ်းအချို့ကို သိမ်းဆည်းရရှိခဲ့တယ်လို့ ​ဖော်ပြပါတယ်။

ဧရာဝတီတိုင်းမှာ တိုက်ပွဲတွေဖြစ်ပွားနေစဉ် စစ်အုပ်စုဒုသမ္မတဦးညိုစောဟာ ဩဂုတ်လ ၅ရက်နေ့က ပုသိမ်မြို့ကိုသွားခဲ့​ပေမယ့် ရေဘေးသင့်‌ဒေသတွေအထိ​တော့မသွားဘဲ ပြန်သွားခဲ့ပါတယ်။ အာဏာသိမ်းခေါင်းဆောင် ဗိုလ်ချုပ်မှုးကြီးမင်းအောင်လှိုင်လည်း ဩဂုတ်လ ၈ ရက်နေ့က ပုသိမ်မြို့၊ ဟသာ်တမြို့နဲ့ မအူပင်မြို့​တွေကိုသွား ရောက်ခဲ့ပြီး ‌ရေဘေးသင့်မြို့နယ်အချို့ကို ရဟတ်ယာဉ်နဲ့လိုက်ကြည့်ခဲ့ပါတယ်။

ဒါ​ပေမယ့် ​ရေ​ဘေးသင့်​​နေတဲ့ လေးမျက်နှာမြို့နယ်ကို​တော့ မသွားခဲ့ပါဘူး ။ ဟင်္သာတမြို့နယ် ၊လဟာပရွာကိုသာသွားပြီးလေးမျက်နှာမြို့နယ်က ​ရေ​ဘေးသင့်ပြည်သူ​တွေကို အာဏာသိမ်း​ခေါင်း​ဆောင်က အကူအညီ​တွေ​ပေးအပ်တယ်လို့ စစ်အုပ်စုကသတင်းထုတ်ပြန်ပါတယ် ။ ဟင်္သာတမြို့နဲ့ အနီးဝန်းကျင်​တွေဟာ ​အခုအကြိမ်မှာရေမကြီး​သေးဘူးလို့​ဒေသခံအချို့က​ပြောပါတယ် ။ဟင်္သာတမြို့နယ် ၊လဟာပရွာမှာ​ ​လေးမျက်နှာမြို့နယ်ကရေ​ဘေးသင့်ပြည်သူ​တွေကိုအာဏာသိမ်း​ခေါင်း​ဆောင်က အကူအညီ​ပေးတယ်လို့ထုတ်ပြန်​​ပေမယ့် အဆိုပါ ပြည်သူ​တွေဟာ ​လေးမျက်နှာက ​ရေ​ဘေးသင့်သူ​တွေဟုတ်၊မဟုတ်ကို​တော့ သီးခြားအတည်မပြုနိုင်​သေးပါဘူး။

အာဏာသိမ်း​ခေါင်း​ဆောင်ဟာ ပုသိမ်၊ ဟင်္သာတ၊မအူပင်ကိုရဟတ်ယာဥ်နဲ့သွားတဲ့ဩဂုတ်လ၈ရက်နေ့ ​မှာရန်ကုန်-ပုသိမ်လမ်း၊ ရန်ကုန်-ဟင်္သာတလမ်း၊ပုသိမ်-ဟင်္သာတလမ်းတွေမှာ လုံခြုံရေးအလွန်တင်းကျပ်ခဲ့တယ်လို့​ဒေသခံအချို့က​ပြောပါတယ်။ဒါ​ကြောင့် တိုက်ခိုက်ခံရမှာကြောက်လို့ ရေဘေးသင့်ဒေသတွေအထိ စစ်ခေါင်းဆောင်တွေမလာရဲကြဘူးလို့ ဒေသခံတွေကပြောပါတယ်။ဒါ​ကြောင့် ဧရာဝတီတိုင်းမှာ ရက္ခိုင်-ဧရာဝတီအစပ်မြို့နယ်​တွေမှာတိုက်ပွဲတွေဆက်ဖြစ်နေသလို သာ​​ပေါင်းမြိို့နယ်နဲ့ဆက်စပ်​သေအချို့မှာလည်းရေဘေးလည်းဆက်လက် ရင်ဆိုင်နေရဆဲဖြစ်ပါတယ်။