'/%3E%3C/svg%3E){kind=small}
စက်တင်ဘာ ၁၈၊၂၀၂၆။ထားမြတ်/People’s Spring
ကချင်ပြည်နယ်၊ ဖားကန့်မြို့နယ် ကာမိုင်းဒေသမှာ ကချင်လွတ်လပ်ရေးတပ်မတော်(KIA) ဒုတပ်ရင်းမှူး ၁ဦးကို စစ်တပ် လက်အောက်ခံ ရှမ်းနီတပ် SNA ရဲ့ ဖမ်းဆီးခြင်းခံရမှုမဟုတ်ဘဲ သတင်းအမှားသာဖြစ်ကြောင်း KIA စစ်ဘက်တာဝန်ရှိသူက ပြောပါတယ်။
Shanni Empire အမည်ရှိ ဖေ့စ်ဘွခ်စာမျက်နှာမှာ အမျိုးသား ၁ဦးရဲ့ ပုံကို ဖော်ပြပြီး KIA ဒုတပ်ရင်းမှူး ဝါယ်ကျယ်နော်တောင်ကို SNA က ဖမ်းဆီးရမိတယ်လို့ ရေးသားထားတဲ့အပေါ် KIA စစ်ဘက်တာဝန်ရှိသူက အခုလို ရှင်းပြတာပါ။
“ အရပ်သားစစ်စစ်ပါ” လို့သူက ပြောပါတယ်။
Public Service Announcement
စစ်တပ် လက်သပ်မွေးထားတဲ့ SNA ဟာ လူမျိုးရေးကို ဦးတည်တဲ့ဖမ်းဆီးမှုတွေ မကြာခဏလုပ်နေတယ်လို့ KIA စစ်ဘက်တာဝန်ရှိသူက ပြောပါတယ်။
Shanni Empire စာမျက်နှာဟာ KIA အပေါ် စွပ်စွဲပုတ်ခတ်တဲ့ ရေးသားချက်တွေ ဖော်ပြလေ့ရှိတဲ့ စာမျက်နှာဖြစ်တာကိုလည်း သူ့ရဲ့ ရေးသားချက်တွေမှာ တွေ့ရပါတယ်။
အထူးသဖြင့် ရှမ်းနီလူမျိုးတွေကို KIA က ဖမ်းဆီးနေတယ်၊ KIAက ပြန်ပေးဆွဲတယ်၊ KIA တိုက်ခိုက်လို့ စစ်ရှောင်တွေ သေဆုံးတယ် ၊ KIAက ပြန်ပေးဆွဲပြီး ငွေနဲ့ ရွေးခိုင်းတယ် စတာတွေကို ဆက်တိုက်ရေးသားသလို SNA နဲ့ စစ်ကောင်စီတပ် ဝါဒဖြန့် သတင်းတွေ၊ KIAနဲ့ PDF၊ ပကဖ တွေကြားသွေးခွဲတဲ့ ရေးသားချက်တွေ၊ NUGကို ပုတ်ခတ်တဲ့ရေးသားချက်တွေ ဖော်ပြထားတာတွေ့ရပါတယ်။
ကချင်သတင်းရင်းမြစ်တစ်ဦးကလည်း KIA ဒုတပ်ရင်းမှူးဖမ်းဆီးခံရတယ်ဆိုတာ သတင်းမှားသာဖြစ်တယ်လို့ အသိပေးထားပါတယ်။
ဖမ်းဆီးခံရသူ ဦးနော်တောင်ဟာ သာမန်ပြည်သူဖြစ်ပြီး မြစ်ကြီးနားကနေ ဖားကန့်ဒေသသွားစဉ် ကာမိုင်းဂိတ်မှာ စစ်တပ်နဲ့ ပြည်သူ့စစ်များက ဖုန်းကိုစစ်ဆေးပြီး KIA ဒုတပ်ရင်းမှူးဟု အတင်းရာထူးတပ် မဟုတ်မမှန် သတင်းအမှား ထုတ်ပြန်လာတာလို့ ဆိုပါတယ်။
” KIA ဒုတပ်ရင်းမှူးသာမှန်ခဲ့ရင် ယခုကဲ့သို့ စစ်ရေးတင်းမာနေချိန် ကာလတွင် စကစနဲ့ ပသစ များထိန်းချုပ်ထားသော ဂိတ်မှ ဖြတ်သန်းသွားလာမည်မဟုတ်ပါ”လို့ သူက အသိပေးပါတယ်။
ဦးနော်တောင်ဟာ အကြောင်းသိလိုပါက အောင်ဘာလေမှော် ကျေးရွာခံတွေကို မေးမြန်းစုံစမ်းနိုင်တယ်လို့ ဆိုပါတယ်။
