Hi, what are you looking for?
အာဏာသိမ်းစစ်တပ်က ရက္ခိုင်ပြည်နယ် ရသေ့တောင်မြို့နယ်ကို လေကြောင်းဗုံးကြဲတိုက်ခိုက်မှု ထပ်မံပြုလုပ်ခဲ့လို့ ပြည်သူ ၅ဦးသေဆုံးကာ ၆ဦး ဒဏ်ရာရခဲ့ကြောင်း အာရက္ခတပ်တော်(AA)ကထုတ်ပြန်ခဲ့ပါတယ် ။ဒါဟာ သုံးပတ်အတွင်း စစ်တပ်လေကြောင်း၊လက်နက်ကြီးတိုက်ခိုက်မှုကြောင့် အာရက္ခဒေသခံပြည်သူ၁၇ဦးထိသေဆုံးကာ ၃၇ ဦး ဒဏ်ရာရရှိခဲ့တာဖြစ်ပါတယ်။
အာဏာသိမ်းစစ်ကောင်စီတပ်က တအာင်းတပ်မတော်(TNLA) ထိန်းချုပ်တဲ့မြို့ရွာတွေကို ထိုးစစ်ဆင်နေတာ၊ လေကြောင်း စစ်ဆင်ရေးလုပ်ဆောင်နေတာတွေကို ရှမ်းမြောက်အခြေစိုက် ကျန်တိုင်းရင်းသားအဖွဲ့တွေက မျက်ကွယ်ပြုထားပါက နောက်ပိုင်းမှာ စစ်ကောင်စီရဲ့ ထိုးစစ်ဆင်မှုကို ရင်ဆိုင်လာရမယ်လို့ ရှမ်းမြောက်အရေးလေ့လာသူတွေက ပြောပါတယ်။