Connect with us

Hi, what are you looking for?

LuduNwayOo

နိုင်ငံတကာ

ဘာလီကျွန်းနားမှာ ရေငုပ်သင်္ဘောပျောက်သွားလို့ အင်ဒိုနီးရှားရေတပ် ရှာဖွေနေ

အမှုထမ်း ၅၃ ဦးနဲ့အတူ ပျောက်ဆုံးသွားတဲ့ ရေငုပ်သင်္ဘော တစ်စီးကို အင်ဒိုနီးရှား ရေတပ်က လိုက်လံ ရှာဖွေနေကြောင်း သိရပါတယ်။

အင်ဒိုနီးရှား ရေတပ် သေနာပတိ ဂျူလီယက်စ် ဝစ်ဒ်ဂျိုဂျိုနိုက ဘာလီကျွန်းနားမှာ ဧပြီ ၂၁ ရက် မနက်ပိုင်းက ရေငုပ်သင်္ဘော ပျောက်ဆုံးသွားကြောင်း အတည်ပြုခဲ့ပါတယ်။ ဘာလီကျွန်းနဲ့ ၉၆ ကီလိုမီတာလောက်အကွာ ရေပြင်မှာ အဆက်အသွယ် ပြတ်သွားတဲ့ KRI Nanggala 402 ရေငုပ်သင်္ဘောကို ရေတပ်က အသည်းအသန် လိုက်ရှာနေတယ်လို့ ဝစ်ဒ်ဂျိုဂျိုနိုက ပြောပါတယ်။ ရေငုပ်သင်္ဘော ပျောက်ဆုံးနေတဲ့ အကြောင်းရင်းကိုတော့ စုံစမ်းနေဆဲပါ။

အဲဒီ ရေငုပ်သင်္ဘောဟာ အင်ဒိုနီးရှား ရေတပ်ရဲ့ တော်ပီဒို ပစ်ခတ်မှု စစ်ရေးလေ့ကျင့်မှု အစီအစဉ် တစ်ခုမှာ ပါဝင်နေရင်း ဘာလီကျွန်း မြောက်ဖက်မှာ ပျောက်ဆုံးသွားခဲ့တာ ဖြစ်ပါတယ်။ အင်ဒိုနီးရှား စစ်တပ်ရဲ့ တရားဝင် ဝက်ဘ်ဆိုက်မှာ ဖော်ပြထားမှုအရ အဲဒီ ရေငုပ်သင်္ဘောကို ၁၉၈၁ ခုနှစ်က ဂျာမနီမှာ တည်ဆောက်ခဲ့တာလို့ သိရပါတယ်။

အင်ဒိုနီးရှားဟာ ကျွန်းစုတွေ၊ ကျွန်းဆွယ်တွေနဲ့ ဖွဲ့စည်းထားတဲ့ နိုင်ငံဖြစ်ပြီး ရေပိုင်နက် လုံခြုံရေးအတွက် ဆိုဗီယက်ခေတ်သုံး ရေငုပ်သင်္ဘော ၁၂ စီးကို အသုံးပြုခဲ့ဖူးပါတယ်။ ဒါပေမဲ့ အခုတော့ ဂျာမနီမှာ တည်ဆောက်တဲ့ Type 209 ၂ စီးနဲ့ တောင်ကိုရီးယားက မှာယူထားတဲ့ ရေငုပ်သင်္ဘောသစ် ၃ စီးသာ ရေတပ်မှာ ပိုင်ဆိုင်ထားပါတော့တယ်။

ပြီးခဲ့တဲ့ နှစ်ပိုင်းတွေအတွင်း အင်ဒိုနီးရှား စစ်တပ်ဟာ နည်းပညာပိုင်း အဆင့်မြှင့်တင်မှုတွေကို ပိုမို တွန်းအားပေး ဆောင်ရွက်လာခဲ့ပေမယ့် တချို့ စစ်လက်နက် အသုံးအဆောင်တွေကတော့ သက်တမ်း အိုဟောင်းနေဆဲပါ။ မကြာသေးခင် နှစ်အနည်းငယ်အတွင်း ဟောင်းနွမ်းနေတဲ့ စစ်လေယာဉ်တွေ ပျက်ကျလို့ အင်ဒိုနီးရှား စစ်မှုထမ်းတွေနဲ့ အရပ်သား ပညာရှင်တွေ အသက်ဆုံးရှုံးတဲ့ ဖြစ်ရပ်တွေလည်း ပေါ်ပေါက်ခဲ့ဖူးပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

နိုင်ငံတကာ

ရေငုပ်သင်္ဘော ဝယ်ယူမယ့် သဘောတူ စာချုပ် ဖျက်သိမ်းခဲ့တာနဲ့ ပတ်သက်လို့ ပြင်သစ် ကုမ္ပဏီ တစ်ခုကို နစ်နာကြေး ယူရို သန်း ၅၀၀ ကျော် ပေးချေသွားမယ်လို့ ဩစတြေးလျ အစိုးရက ကြေညာခဲ့ပါတယ်။

ဗီဒီယို

ဘာလီကျွန်းက ကမ္ဘာလှည့် ခရီးသွားတွေ ထူထပ် စည်ကားနေရာ ဘားနှစ်ခုမှာ ဖြစ်ပွားတဲ့ ဗုံးပေါက်ကွဲမှုတွေကြောင့် နိုင်ငံပေါင်း ၂၁ ခုက လူ ၂၀၂ ဦး သေဆုံးခဲ့ပါတယ်။ အဲဒီတုန်းက ခရစ္စမတ် အားလပ်ရက် ကာလမျိုးနဲ့လည်း တိုက်ဆိုင်နေတာကြောင့် ဘာလီမှာ အရမ်း လူစည်ကားနေခဲ့ပါတယ်။

ဆောင်းပါး

၂၀၂၁ ခုနှစ်၊ ဒီဇင်ဘာ ၁၅ ရက်က ရိုက်ကူးထားတဲ့ မှတ်တမ်း ဗီဒီယို တစ်ခုမှာတော့ တရုတ် သမ္မတ ရှီကျင့်ဖျင်နဲ့ ရုရှား သမ္မတ ဗလာဒီမာ ပူတင်တို့ဟာ ထိုင်ဝမ်၊ ယူကရိန်း အရေးတွေနဲ့ ပတ်သက်ပြီး အမေရိကန်နဲ့ ဆက်ဆံရေး တင်းမာလာတဲ့ အခြေအနေတွေမှာ...

ဗီဒီယို

အမေရိကန် ရေတပ်ရဲ့ နျူကလီးယား အင်ဂျင်နီယာ တစ်ဦးဖြစ်တဲ့ ဂျိုနသန် တိုယက်ဘီနဲ့ ဇနီးဖြစ်သူ ဒိုင်ယာနာ တိုယက်ဘီတို့ဟာ အနောက်ဗာဂျီးနီးယားမှာ အောက်တိုဘာ ၉ ရက်က အဖမ်းခံခဲ့ရတာလို့ တရားရေး ဝန်ကြီးဌာနက ကြေညာပါတယ်။