မေလ ၄ ရက်က ဆန်တာ ကာထရီနာပြည်နယ်၊ ဆူဒါဒီစ်မြို့မှာ ဖြစ်ပွားခဲ့တဲ့ တိုက်ခိုက်မှုကြောင့် အသက် ၂ နှစ် မပြည့်သေးတဲ့ ကလေး ၃ ဦးအပြင် နေ့ကလေးထိန်းကျောင်းက ဝန်ထမ်း ၂ ဦးပါ သေဆုံးသွားကြောင်း ဒေသခံ မီဒီယာတွေက ဖော်ပြခဲ့ပါတယ်။
အသက် ၁၈ နှစ်အရွယ် အမျိုးသား ဒီတိုက်ခိုက်မှု အပြီးမှာ ကိုယ့်ကိုယ်ကိုယ် သေကြောင်းကြံစည်ခဲ့ပေမယ့် အသက်မသေပါဘူး။ လတ်တလောမှာတော့ စိုးရိမ်ရတဲ့ အခြေအနေနဲ့ ဆေးရုံရောက်နေတယ်လို့ သိရပါတယ်။ သူဟာ သားလှီးဓားကြီး တစ်ချောင်းကို ကိုင်ဆောင်ပြီး ကျောင်းထဲ ဝင်ရောက်သွားခဲ့တာ ဖြစ်ပါတယ်။
နေ့ကလေးထိန်းကျောင်းကို ပစ်မှတ်ထား တိုက်ခိုက်ခဲ့တဲ့ လုပ်ရပ်ရဲ့ နောက်ကွယ်က အကြောင်းရင်းကိုတော့ တိတိကျကျ မသိရသေးပါဘူး။ အခင်းဖြစ်ချိန်က ကျောင်းထဲမှာ ကလေးတချို့ ရှိနေခဲ့ပြီး ဝန်ထမ်းတွေက ဝှက်ထားပေးရတယ်လို့ ဆိုပါတယ်။
လတ်တလောမှာတော့ ရဲတပ်ဖွဲ့က စုံစမ်းစစ်ဆေးမှုတွေ ဆက်လက် လုပ်ဆောင်နေပြီး ဆန်တာ ကက်ထရီနာ ပြည်နယ် အစိုးရက ဝမ်းနည်းကြေကွဲမှု သတ်မှတ်ကာလကို ၃ ရက် ကြေညာထားကြောင်း သိရပါတယ်။