Connect with us

Hi, what are you looking for?

LuduNwayOo

နိုင်ငံတကာ

တရုတ်မှာ ရာသီဥတု ရုတ်တရက် ပြောင်းလဲရာက ခရီးကြမ်း မာရသွန် ပြိုင်ပွဲဝင် ၂၁ ဦး သေဆုံး

တရုတ်နိုင်ငံမှာ ရာသီဥတု ရုတ်တရက် ဖောက်ပြန်မှုကြောင့် ခရီးကြမ်း မာရသွန် ပြိုင်ပွဲဝင် ၂၁ ဦး သေဆုံးသွားခဲ့ပါတယ်။

တရုတ်နိုင်ငံ အနောက်မြောက်ပိုင်းမှာ မေလ ၂၂ ရက် မနက်ပိုင်းက ကီလိုမီတာ ၁၀၀ ခရီးကြမ်း တောင်တက် မာရသွန် ပြိုင်ပွဲကို စတင်ခဲ့ပါတယ်။ အဲဒီ အချိန်မှာ ရာသီဥတုက ကြည်လင် ကောင်းမွန်နေပြီး အစီအစဉ်အားလုံး ချောချောမွေ့မွေ့ ရှိခဲ့ပါတယ်။

ဒါပေမဲ့ နေ့လယ်ပိုင်းမှာ ရာသီဥတု အခြေအနေက ရုတ်တရက် ပြောင်းလဲသွားပြီး လေအေးတွေ တိုက်ခတ်လာသလို သည်းသည်းထန်ထန် ရွာတဲ့ မိုးကလည်း ရေခဲရေလို အေးစက်နေခဲ့ပါတယ်။ ဂန်ဆုဒေသ အနှံ့မှာ မုန်တိုင်းဆန်ဆန် လေပြင်းတိုက်ခတ်မှုတွေ ဖြစ်လာပြီး မိုးသီးတွေလည်း ကြွေကျခဲ့ပါတယ်။

အဲဒီနောက် ပြိုင်ပွဲ စီစဉ်သူတွေက မာရသွန် ပြိုင်ပွဲကို အရေးပေါ် ဖျက်သိမ်းဖို့ ဆုံးဖြတ်ပြီး အင်အား ၁၂၀၀ လောက် ပါဝင်တဲ့ အဖွဲ့နဲ့ ကယ်ဆယ်ရေး လုပ်ငန်းတွေ စတင်ခဲ့ပါတယ်။ လမ်းခုလတ်မှာ ပျောက်ဆုံးနေတဲ့ ပြိုင်ပွဲဝင်တွေကို လိုက်လံရှာဖွေခဲ့ပြီး ညပိုင်းမှာလည်း ကယ်ဆယ်ရေး ဆောင်ရွက်မှုတွေ မရပ်တန့်ခဲ့ပါဘူး။

ပြိုင်ပွဲဝင် အများစုဟာ အင်္ကျီလက်တိုနဲ့ ဘောင်းဘီတို ခပ်ပါးပါးတွေကိုသာ ဝတ်ဆင်ထားကြတာ ဖြစ်ပါတယ်။ ကယ်ဆယ်ရေးတွေက ခပ်စောစော ရှာတွေ့ခဲ့လို့ အသက်ရှင်ခဲ့သူ ပြိုင်ပွဲဝင် တစ်ဦးက ရာသီဥတု ဆိုးလွန်းလို့ သူ့တစ်ကိုယ်လုံး ထုံကျင်လာပြီး ခံစားမှု အာရုံ ပျောက်ဆုံးတာမျိုး ကြုံခဲ့ကြောင်း ပြောကြားသွားပါတယ်။

တချို့ ပြိုင်ပွဲဝင်တွေကလည်း ရာသီဥတု အခြေအနေ ပြောင်းလဲစ ပြုလာတာနဲ့ နောက်ကြောင်း ပြန်လှည့်လာကြတယ်လို့ ဆိုပါတယ်။ မေလ ၂၃ ရက် မနက်ပိုင်းထိ စာရင်းတွေအရ ပြိုင်ပွဲဝင် ၁၇၂ ဦးထဲမှာ ၁၅၁ ဦး ဘေးကင်းကြောင်း ကြေညာထားပါတယ်။ ကီလိုမီတာ ၁၀၀ ခရီးကြမ်း မာရသွန် ပြိုင်ပွဲဟာ သမားရိုးကျ မာရသွန် ပြိုင်ပွဲတွေထက် နှစ်ဆ ပိုမိုရှည်လျားကြောင်းလည်း သိရပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

နိုင်ငံတကာ

အခုအခါမှာ Lockheed Martin ကုမ္ပဏီဟာ ဒီသတ္တုစပ်ကို အစားထိုးဖို့ တခြားရင်းမြစ် လုပ်ငန်းတစ်ခုကို ရှာတွေ့ထားပြီလို့လည်း သိရပါတယ်။ ဒါကြောင့် ကုန်ကြမ်းထောက်ပံ့တဲ့ ကုမ္ပဏီ အပြောင်းအလဲ ဖြစ်ပြီးရင်တော့ အမေရိကန်က F-35တွေကို အရင် သဘောတူညီမှုအတိုင်း ပြန်မှာယူသွားမှာပါ။

ဗီဒီယို

ထိုင်ဝမ်က ဒေါ်လာ ၁.၁ ဘီလီယံနဲ့ ဝယ်ယူဖို့ အဆိုပြုထားတဲ့ လက်နက်တွေထဲမှာ ကျွန်းနိုင်ငံဆီ ဦးတည်လာတဲ့ တိုက်ခိုက်မှုတွေကို ကြိုတင် ခြေရာခံ ထောက်လှမ်းနိုင်တဲ့ ရေဒါစနစ် တစ်ခုနဲ့ လေကြောင်း၊ ရေကြောင်း ကာကွယ်ရေး ဒုံးကျည်တွေ ပါဝင်နေပါတယ်။

နိုင်ငံတကာ

တရုတ်မှာ ကိုဗစ်ကူးစက်မှု မြင့်တက်လာတဲ့ နေရာတွေကို တင်းတင်းကျပ်ကျပ် Lockdown ချတာမျိုး၊ နှာခေါင်းစည်းတွေ တပ်ဆင်စေတာမျိုး၊ အသွားအလာ ကန့်သတ်ပစ်တာမျိုး နည်းလမ်းတွေ ဆက်လက် ကျင့်သုံးနေဆဲ ဖြစ်ပါတယ်။

နိုင်ငံတကာ

အမှတ် ၇ ရေတပ်မကြီးရဲ့ အကြီးအကဲလည်းဖြစ်တဲ့ ဒုတိယ သေနာပတိ ကားလ်သောမတ်စ်က ထိုင်ဝမ် လေပိုင်နက်နားမှာ တရုတ်က ဒုံးကျည်တွေ စိတ်တိုင်းကျ စမ်းသပ် ပစ်ခတ်နေတာကို လွှတ်ပေးထားရင် ရေရှည်မှာ ဒီအခြေအနေကြီးက ပုံမှန်လို ဖြစ်သွားလိမ့်မယ်လို့ ထောက်ပြခဲ့ပါတယ်။