Connect with us

Hi, what are you looking for?

LuduNwayOo

နိုင်ငံတကာ

တရားခွင်မှာ လည်ပင်းကို ကိုယ်တိုင်ထိုးဖောက်ပြီး ဆန္ဒပြခဲ့တဲ့ ဘီလားရုစ် နိုင်ငံရေးသမား

အဓမ္မ ဖိအားပေး ဝန်ခံခိုင်းတာကို ဆန္ဒပြတဲ့ အနေနဲ့ ဘီလားရုစ် အတိုက်အခံ နိုင်ငံရေးသမား တစ်ဦးဟာ တရားခွင်မှာ ကိုယ့်လည်ပင်းကိုယ် စူးချွန်နဲ့ထိုးပြီး သေကြောင်း ကြံစည်ဖို့ ကြိုးစားခဲ့ပါတယ်။

မင့်စ်ခ်မြို့က တရားခွင်မှာ စတီပန် လက်တီပေါ့ဗ်ဟာ ဘောပင်လို့ ယူဆရတဲ့ အရာတစ်ခုနဲ့ လည်ပင်းကို ထိုးလိုက်ကြောင်း လုံခြုံရေး ကင်မရာ မှတ်တမ်း ဗီဒီယိုတွေမှာ တွေ့မြင်ရပါတယ်။ သူ့ကို ဆေးရုံ အရေးပေါ် တင်ပို့ပြီး ခွဲစိတ် ကုသပေးခဲ့တဲ့နောက် အခုအခါ အသက်အန္တရာယ် စိုးရိမ်ရတဲ့ အဆင့်ကိုတော့ လွန်မြောက်လာပါပြီ။

ဒီဖြစ်စဉ်ဟာ ဘီလားရုစ်က အတိုက်အခံ နိုင်ငံရေးသမားတွေအပေါ် အစိုးရက အလွန်အကျွံ ဖိအားပေးနေတယ်ဆိုတဲ့ စွပ်စွဲချက်တွေကို ပိုမို အားကောင်းလာစေခဲ့ပါတယ်။ လက်တီပေါ့ဗ်ဟာ ရဲတွေကို အကြမ်းဖက် တုံ့ပြန်တယ်ဆိုတာ အပါအဝင် စွဲချက်တချို့နဲ့ စက်တင်ဘာလ ကတည်းက အဖမ်းခံထားရပါတယ်။

သူဟာ တရားခွင်မှာ ဖခင်ဖြစ်သူရဲ့ ထွက်ဆိုချက်အပြီး ကိုယ့်ကိုယ်ကိုယ် ထိခိုက်အောင် ပြုလုပ်ခဲ့တာ ဖြစ်ပါတယ်။ လက်တီပေါ့ဗ်ရဲ့ ပါတီက အာဏာပိုင်တွေဟာ လက်တီပေါ့ဗ်ရဲ့ ဖခင်ကို သားဖြစ်သူ အပြစ်ဝန်ခံအောင် တိုက်တွန်းဖို့ ဖိအားပေး ခြိမ်းခြောက်ခဲ့သလို ကာယကံရှင်ရဲ့ မိသားစုဝင်တွေကိုပါ အမှုဆင်မယ်လို့ သတိပေးခဲ့ကြောင်း ပြောပါတယ်။

အခုဖြစ်စဉ်ဟာ အစိုးရက ကျူးလွန်နေတဲ့ အကြမ်းဖက် လုပ်ရပ်တွေရဲ့ အကျိုးဆက်ကို ညွှန်ပြနေပြီး အမြန်ဆုံး ရပ်တန့်ဖို့လိုကြောင်း အတိုက်အခံ အင်အားစုတွေက ပြောပါတယ်။ ဘီလားရုစ် သမ္မတ အလက်ဇန္ဒား လူကာရှန်ကိုဟာ အငြင်းပွားဖွယ် အခြေအနေတွေနဲ့ ဩဂုတ်လ ရွေးကောက်ပွဲမှာ အနိုင်ရခဲ့တဲ့နောက် အတိုက်အခံ နိုင်ငံရေး ပါတီတွေအပေါ် နှိပ်ကွပ်မှုတွေ အရှိန်မြှင့် လုပ်ဆောင်လာခဲ့ပါတယ်။

You May Also Like

သတင်း

အောက်တိုဘာတိုက်ပွဲများအတွင်း စစ်ကောင်စီတပ် က ကျေးရွာများအား ပစ်မှတ်ထားတိုက်ခိုက်ခဲ့၍ အရပ်သားပြည်သူ ခြောက်ဦး အသက်ဆုံးရှုံးခဲ့ရပြီး ၂၁ဦး ဒဏ်ရာရရှိခဲ့ကြောင်း AAက ထုတ်ပြန်ထားသည်။

နိုင်ငံတကာ

ဘော်လ်ဆိုနာရိုကတော့ သူ့ရဲ့ နိုင်ငံရေး မဟာမိတ်ကို တိုက်ရိုက် ဝေဖန်ပြစ်တင်တာမျိုး မလုပ်ပေမယ့် ရဲတွေကို ကိုယ်ထိလက်ရောက် ရန်မူတဲ့သူ ဘယ်သူမဆို ဥပဒေအရ ဖမ်းဆီး အရေးယူ ခံရမှာဖြစ်ကြောင်း ပြောကြားသွားပါတယ်။

နိုင်ငံတကာ

ထရမ့်ကိုယ်တိုင် ထွက်ဆိုရမယ်ဆိုပြီး ဆင့်ခေါ်တာမျိုးကတော့ ကော်မတီဝင်တွေဟာ လုပ်ထုံးလုပ်နည်းတွေကို ဘောင်ကျော်လိုက်တဲ့ အဓိပ္ပါယ်မျိုး ဖြစ်တယ်လို့ ထရမ့်ရဲ့ ရှေ့နေ တစ်ယောက်က စွပ်စွဲပါတယ်။

နိုင်ငံတကာ

ယူကရိန်း သမ္မတ ဗိုလိုဒီမာ ဇီလန်စကီးကတော့ ဘီလားရုစ် တပ်တွေဟာ ယူကရိန်းကို ကျူးကျော်ဖို့ ဟန်ပြင်နေတယ်လို့ ယူဆကြောင်း ပြောကြားထားပြီး အဲဒီတပ်တွေရဲ့ လှုပ်ရှားမှုကို ကူညီ စောင့်ကြည့်ပေးဖို့ G7 အဖွဲ့ဆီ တိုက်တွန်း တောင်းဆိုထားကြောင်း သိရပါတယ်။