Connect with us

Hi, what are you looking for?

LuduNwayOo

နိုင်ငံတကာ

ဂွာတီမာလာမှာ မြေနေရာ လုကြရာက ကလေးတွေ အပါအဝင် ၁၃ ဦးထက်မနည်း သေဆုံး

လူတွေ ဘယ်လို ဘယ်ပုံ သေဆုံးကုန်သလဲ ဆိုတာကတော့ သတင်းတွေ ရှုပ်ထွေးနေဆဲဖြစ်ပြီး အများစုက လက်နက်ကိုင် တိုက်ခိုက်မှုတွေကြောင့် ဖြစ်လိမ့်မယ်လို့ ရဲတွေက ယူဆနေပါတယ်။ သေဆုံးသူတွေထဲမှာ ရဲတစ်ဦးလည်း ပါဝင်ခဲ့ပြီး နှစ်ဦး ဒဏ်ရာ ရခဲ့ပါတယ်။

ဂွာတီမာလာ နိုင်ငံမှာ မြေပိုင်ဆိုင်မှု အငြင်းပွားရာက အစပြုတဲ့ ရန်ပွဲတွေအတွင်း ကလေးတွေ အပါအဝင် လူ ၁၃ ဦး သေဆုံးခဲ့ကြောင်း သိရပါတယ်။

မြို့တော် ဂွာတီမာလာစီးတီးကနေ အရှေ့ဖက် မိုင် ၁၀၀ နီးပါးအကွာ၊ ချီကစ်ဆိုတဲ့ ကျေးရွာမှာ ဒီဇင်ဘာ ၁၈ ရက်က လူသတ်ပွဲတွေ ဖြစ်ခဲ့တာပါ။ သေဆုံးသူ အရေအတွက်ဟာ ၁၃ ဦးထက်လည်း ပိုနိုင်ပြီး အတည်ပြုဖို့ ကြိုးစားနေကြောင်း၊ သေဆုံးသူတွေထဲမှာ ကလေးတွေနဲ့ အမျိုးသမီးတွေလည်း ပါဝင်ကြောင်း ရဲတပ်ဖွဲ့က ပြောပါတယ်။

လူတွေ ဘယ်လို ဘယ်ပုံ သေဆုံးကုန်သလဲ ဆိုတာကတော့ သတင်းတွေ ရှုပ်ထွေးနေဆဲဖြစ်ပြီး အများစုက လက်နက်ကိုင် တိုက်ခိုက်မှုတွေကြောင့် ဖြစ်လိမ့်မယ်လို့ ရဲတွေက ယူဆနေပါတယ်။ သေဆုံးသူတွေထဲမှာ ရဲတစ်ဦးလည်း ပါဝင်ခဲ့ပြီး နှစ်ဦး ဒဏ်ရာ ရခဲ့ပါတယ်။

အခုတော့ ရွာထဲကို ရဲအင်အား အလုံးအရင်း ပို့ဆောင် ဖြန့်ကျက်ထားပြီး အဓိက တာဝန်ရှိသူတွေကို စစ်ဆေး စုံစမ်းနေကြောင်း သိရပါတယ်။ အရင်ကတည်းက ရွာမှာ အပိုင်းနှစ်ခု ခြားထားပြီး မြေနေရာ လုတာမျိုးတွေ ရှိခဲ့ပါတယ်။ ဒီပြဿနာမျိုး အဓွန့်ရှည်လာတာ နှစ်ပေါင်း ၁၀၀ လောက် ရှိခဲ့ပြီ ဖြစ်ပါတယ်။

၂၀၂၀ ပြည့်နှစ်မှာ အစိုးရက နယ်မြေလုကြတဲ့ ဖြစ်စဉ်တွေနဲ့ ပတ်သက်လို့ ကြားဝင် ကိုင်တွယ်ဖို့ ကြိုးစားလာပေမယ့် ပြဿနာတွေက ချုပ်ငြိမ်း မသွားခဲ့ပါဘူး။ ချီကစ်မှာလည်း စနစ်တကျ မြေတိုင်း နေရာသတ်မှတ်မှုတွေ ပြုလုပ်ပေးထားပေမယ့် အခုလို ဆိုးဆိုးရွားရွားတွေ ထပ်ဖြစ်ခဲ့တာလို့ ရဲတွေက ပြောကြားခဲ့ပါတယ်။ ဒေသဆိုင်ရာ အစိုးရ အဖွဲ့ကတော့ ဒီတိုက်ခိုက်မှုတွေကို ပြင်းပြင်းထန်ထန် ရှုတ်ချပြီး လူမဆန်တဲ့ လုပ်ရပ်လို့ ကန့်ကွက် ဝေဖန်သွားခဲ့ပါတယ်။

You May Also Like

သတင်း

ယမန်နေ့ မွန်းလွဲပိုင်းက ရေဦးမြို့ပေါ်မှထွက်လာသော စစ်ကောင်စီတပ်ကို တော်လှန်ရေးအင်အားစုများက ဒရုန်းဖြင့်တိုက်ခိုက်ခဲ့သေးသည်။

သတင်း

ရဲစခန်းအတွင်းမှ ပြန်လည်ပစ်ခတ်မှုများရှိပြီး (၄၀) မမ လေးလုံး၊ (၆၀) မမ နှစ်လုံး၊(၈ဝ) မမ နှစ် လုံး စခန်းအတွင်းသို့ ပစ်ထည့်တိုက်ခိုက်ခဲ့ကြောင်း MNRFအဖွဲ့က ပြောသည်။

သတင်း

ကရင်နီပူးပေါင်းတပ်မှာ ထိခိုက်မှုမရှိ ပြန်လည်ဆုတ် ခွာနိုင်ခဲ့သည်ဟုလည်းသိရသည်။ စစ်​ကောင်စီတပ်သဆုံးထိခိုက်မှု အ​ခြေအ​နေကို People's Spring က သီးခြားအတည်မပြုနိုင်ပါ ။

သတင်း

အဆိုပါ တိုက်ပွဲများအတွင်း စစ်ကောင်စီတပ်မှ သေဆုံးထိခိုက်များပြားခဲ့ပြီး မောင်းပြန် သေနတ် ၂လက် သိမ်းဆည်းရမိခဲ့သည်ဟု အသိပေးထားသည်။