ကိုးကန့်လက်နက်ကိုင်တပ်ဖွဲ့(MNDAA)နှင့် အကြမ်းဖက် စစ်ကောင်စီတပ်တို့ ယခုတစ်ပတ်အတွင်း တိုက်ပွဲလေးကြိမ်ဖြစ်ခဲ့ပြီး စစ်ကောင်စီတပ်မှ သေဆုံးထိခိုက်မှုရှိခဲ့သည်ဟု MNDAAက ထုတ်ပြန်သည်။
ဖေဖော်ဝါရီ၂၈ရက်တွင် စစ်ကောင်စီသည် အပစ်အခတ်ရပ်စဲရေး ကြေညာခဲ့သော်လည်း ယင်းည၌ပင် MNDAA ကို ထိုးစစ်ဆင် တိုက်ခိုက်လာ၍ တိုက်ပွဲဖြစ်ခဲ့သည်ဟုဆိုသည်။
စစ်ကောင်စီ၏ တပ်မ(၉၉)လက်အောက်ခံ တပ်ရင်း (၃၁၅၊ ၁၅၊ ၄၂၀)နှင့် စကခ ၁၂ လက်အောက်ခံ တပ်ရင်း(၂၈၇)အင်အားစုတို့သည် အထူးဒေသ(၁)၊ မုံးကိုး ခရိုင်ရှိ MNDAA တပ်စခန်းကို ထိုးစစ်ဆင် တိုက်ခိုက်လာခဲ့ရာ ယခုအပတ်တွင် တိုက်ပွဲလေးကြိမ်ဖြစ်ခဲ့ကြောင်း ဖော်ပြထားသည်။
မတ်လ ၃ ရက်တွင် စစ်ကောင်စီ၏ တပ်မ(၉၉) လက်အောက်ခံ တပ်ရင်း(၁၀၉)မှ အင်အား၆၀ကျော် သည် မုံးကိုးဒေသ ပန်ဆာရွာအနီးသို့ဝင်ရောက်လာပြီး ၎င်းဒေသ၌ အခြေစိုက်လျက်ရှိသော MNDAA နှင့် ထိတွေ့တိုက်ပွဲဖြစ်ခဲ့သည်ဟု ဆိုသည်။ နာရီဝက်ကြာ တိုက်ပွဲဖြစ်ခဲ့ပြီးနောက် MNDAAမှ ဦးစွာ ဆုတ်ခွာခဲ့ကြောင်း၊ စစ်ကောင်စီမှတစ်ဦးကျဆုံးပြီး သုံးဦးဒဏ်ရာရရှိခဲ့ကြောင်း ထုတ်ပြန်ခဲ့သည်။
Public Service Announcement
