Connect with us

Hi, what are you looking for?

LuduNwayOo

နိုင်ငံတကာ

နယ်သာလန်မှာ ခရီးသည်တင်ရထားက ကရိန်းနဲ့ ဝင်တိုက်ပြီး လမ်းချော်မှုဖြစ်ပွား

ပုံမှန် အခြေအနေအရ နယ်သာလန် နိုင်ငံရဲ့ ရထားပို့ဆောင်ရေး ကွန်ရက်ဟာ လုံခြုံရေး စံနှုန်း အထူး ကောင်းမွန်ပြီး မတော်တဆ ဖြစ်ရပ်မျိုးတွေ အရမ်းရှားပါးတယ်လို့လည်း သိရပါတယ်။

နယ်သာလန်မှာ ခရီးသည်တင် ရထားက ကရိန်းနဲ့ ဝင်တိုက်ပြီး လမ်းချော်မှုဖြစ်ပွား
နယ်သာလန်မှာ ခရီးသည်တင် ရထားက ကရိန်းနဲ့ ဝင်တိုက်ပြီး လမ်းချော်မှုဖြစ်ပွား

နယ်သာလန် နိုင်ငံမှာ ခရီးသည်တင် ရထားတစ်စီးက ဆောက်လုပ်ရေး လုပ်ငန်းသုံး ကရိန်းကို ဝင်တိုက်ရာက လမ်းချော် တိမ်းမှောက်လို့ လူတွေ ထိခိုက်သေဆုံးမှု ရှိခဲ့ပါတယ်။

နိုင်ငံအနောက်ပိုင်းက ဗော်စ်ကော့ချ်တန် ဒေသနားမှာ လူ ၅၀ လောက်ကို တင်ဆောင်လာတဲ့ ရထားဟာ ကရိန်းကို အရှိန်နဲ့ ဝင်တိုက်မိခဲ့တာ ဖြစ်ပါတယ်။ အဲဒီနောက် ရထားတွဲတချို့ သံလမ်းပေါ်က ချော်ထွက်ပြီး တိမ်းမှောက်ကုန်သလို ထိခိုက် ပျက်စီးမှုတွေလည်း ပေါ်ပေါက်ခဲ့ပါတယ်။

ဧပြီ ၄ ရက် မနက်အစောပိုင်းက ဖြစ်စဉ်ကြောင့် အနည်းဆုံး ခရီးသည် ၁ ဦး သေဆုံးပြီး ဆေးရုံ ရောက်သူ ၁၉ ဦးထဲမှာလည်း အခြေအနေ စိုးရိမ်ရသူတွေ ပါဝင်နေပါတယ်။

အခင်းဖြစ်ပွားရာ နေရာမှာ ရိုက်ကူးထားတဲ့ ဓာတ်ပုံတွေအရ ရထားတွဲတချို့ တိမ်းမှောက်နေပြီး မီးခိုးတွေ အူထွက်နေတာမျိုးလည်း တွေ့ရပါတယ်။

Public Service Announcement

Public Service Announcement

ရထားတိမ်းမှောက်မှု အပြီးမှာတော့ ဟိဂ်နဲ့ အမ်စတာဒမ် မြို့တွေကြားက ရထားသံလမ်းတွေကို ယာယီ ပိတ်ထားခဲ့ရပါတယ်။ ရထားလမ်းမှာ ဆောက်လုပ်ရေးသုံး ကရိန်းတစ်စီး ဘယ်လိုရောက်နေပြီး ဘာတွေ မှားယွင်းခဲ့သလဲ ဆိုတာတွေကို ဆက်လက် စုံစမ်းနေဆဲပါ။

နယ်သာလန် ဝန်ကြီးချုပ် မတ်ခ်ရူတေးအပြင် ဘုရင်နဲ့ မိဖုရားတို့ကလည်း အခုသတင်းအတွက် အထူးတလည် ဝမ်းနည်း ကြေကွဲကြောင်း ကြေညာချက်တွေ အသီးသီး ထုတ်ပြန်ပါတယ်။

ပုံမှန် အခြေအနေအရ နယ်သာလန် နိုင်ငံရဲ့ ရထားပို့ဆောင်ရေး ကွန်ရက်ဟာ လုံခြုံရေး စံနှုန်း အထူး ကောင်းမွန်ပြီး မတော်တဆ ဖြစ်ရပ်မျိုးတွေ အရမ်းရှားပါးတယ်လို့လည်း သိရပါတယ်။

ဆက်စပ်သတင်းများ

နိုင်ငံတကာ

အန်ဒ်ဟရာ ပရာဒက်ရှ်ပြည်နယ် အစိုးရက အခင်းဖြစ်ရာ နေရာကို ကယ်ဆယ်ရေးနဲ့ အကူအညီ အဖွဲ့အစည်းတွေ အမြန်ဆုံး သွားရောက်ဖို့ ညွှန်ကြားထားပြီး ထိခိုက်နစ်နာခဲ့သူတွေနဲ့ သက်ဆိုင်ရာ မိသားစုတွေကို အစွမ်းကုန် ထောက်ပံ့မယ်လို့လည်း ထုတ်ပြန်ထားပါတယ်။

နိုင်ငံတကာ

အမေရိကန်နဲ့ အနောက်မဟာမိတ် နိုင်ငံတွေဟာ ယူကရိန်းအတွက် အနောက်နိုင်ငံလုပ် ခေတ်မီ တိုက်လေယာဉ်တွေ၊ တင့်ကားတွေ ထောက်ပံ့ပေးဖို့ သဘောတူထားရာမှာ လေ့ကျင့်ရေး ကဏ္ဍကလည်း ကြီးမားတဲ့ တောင်းဆိုမှု တစ်ခုအနေနဲ့ ပါဝင်နေဆဲလို့ စစ်ရေး သုတေသီတွေက သုံးသပ် ပြောဆိုထားကြပါတယ်။

နိုင်ငံတကာ

ရူတေးဟာ နယ်သာလန်ရဲ့ သက်တမ်း အရှည်ဆုံး ဝန်ကြီးချုပ် ဖြစ်ခဲ့ပြီး လာမယ့် ရွေးကောက်ပွဲမှာ ပါဝင်ယှဉ်ပြိုင်ရင်း သူဦးဆောင်တဲ့ စတုတ္ထမြောက် ညွန့်ပေါင်း အစိုးရသစ် တစ်ရပ်ကို ထပ်မံဖွဲ့စည်းဖို့ အားထုတ်သွားဖွယ် ရှိနေပါတယ်။

နိုင်ငံတကာ

နယ်သာလန်နဲ့ တခြားဥရောပ နိုင်ငံတွေမှာ တော်ဝင် မျိုးနွယ်တွေက လုံခြုံရေးနဲ့ ပတ်သက်လို့ လူသိထင်ရှား ထုတ်ပြောတာမျိုး အရမ်းရှားပါးပါတယ်။ နယ်သာလန် ရဲတပ်ဖွဲ့၊ ရှေ့နေချုပ်ရုံးနဲ့ ပြည်ထဲရေး ဝန်ကြီးဌာနတွေကတော့ ဒီကိစ္စနဲ့ ပတ်သက်လို့ လတ်တလော ဘာမှတ်ချက်မှ မပေးသေးဘူးလို့ သိရပါတယ်။